Almaty oblysynyń Halyqqa qyzmet kórsetý ortalyǵynda er adam qaza boldy. Oqiǵa Ile aýdanyndaǵy Ótegen batyr kentinde bolǵan, - dep habarlaidy NUR.KZ.
Nur.kz redaktsiiasyna Rinat Avazbakiev esimdi oqiǵa kýágeri habarlasyp, bolǵan jaitty baiandady. Onyń aitýynsha, qaza bolǵan er adamnyń jasy 60-65 shamasynda.
Sonymen birge ol óz shaǵymyn da jetkizdi:
"Kezekte 100-ge jýyq adam turady. Ár adamǵa 20 minýt ýaqyt ketedi degen ýáde oryndalmaǵan. Tirkeýmen tek eki adam ǵana ainalysyp otyr. Bireýler tipti senbiden beri tirkele almai álekke túsýde. Soǵan qaramastan, sondaǵy "zań ókilderi" aiyppul salamyz dep qorqytyp júr", - deidi er adam.
Almaty oblysynyń IID 1957 jyly týǵan Ile aýdanynyń turǵyny qaitys bolǵanyn rastady. Qazirgi ýaqytta quzyrly organdar er adamnyń ólimine qatysty tekseris júrgizip jatyr. Tolyq aqparat keiinirek beriledi.
Osy oraida, Almaty oblystyq IID aýdandyq politsiia bólimshesi jańa zańnamany túsindirý jumystary boiynsha BAQ ókilderimen kezdesip, ýaqytsha tirkeýge qatysty HQKO-tarynda keleńsiz jaǵdailar týyndamaǵanyn aitqan.
Esterińizge sala ketsek, ýaqytsha tirkeý týraly zańdy elimizde 7 qańtardan bastap engizdi. Al tirkelmegen azamattarǵa 2017 jyldyń 1 aqpanynan bastap aiyppul salyna bastaidy.
Ýaqytsha tirkeýge turǵylyqty jeri boiynsha tirkelmegen adamdar turýy qajet. Ishki kóshi-qon máselelerin baqylaýdy ýchaskelik politsiiaǵa júktep otyr. Zań buzýshylardy olar burynnan kele jatqan úirenshikti ádis-tásildermen anyqtaidy.
