Foto: Pexels.com
Almaty oblysy Qarasai aýdandyq máslihatynyń burynǵy depýtaty memleketten iri kólemde aqsha jymqyryp, qylmystyq kiristerdi zańdastyrǵany úshin aiyptalyp otyr, dep habarlaidy Ult.kz.
Tergeý málimetteri boiynsha, kúdikti memleketten sýbsidiia alý maqsatynda Almaty oblysynyń aýyl sharýashylyǵy basqarmasyna jalǵan qujattar usynǵan. Ol quny 947 million teńge bolatyn tańqýrai kóshetterin satyp alý týraly qujattardy jasap, nátijesinde 474 million teńgeniń 50%-yn zańsyz sýbsidiia retinde iemdengen.
Kúdikti bul qarajattardy jylystatý úshin 21 jeke kásipkermen jalǵan kelisimsharttar jasasqan. Qujattar boiynsha kóshetterdi oraý, tieý jáne túsirý jumystary júrgizildi dep kórsetilgenimen, is júzinde mundai qyzmetter oryndalmaǵan. Osy arqyly 431 million teńge qolma-qol aqshaǵa ainaldyrylǵan.
Sonymen qatar, jymqyrylǵan qarajattardy zańdastyrý úshin kúdikti jubaiynyń atyna baǵaly qaǵazdarmen operatsiialar júrgizip, qosymsha 89 million teńge qylmystyq kiris tapqan. Bul qarajatqa Almaty qalasynan eki bólmeli páter jáne Toyota Highlander avtokóligin satyp alǵan.
Memleketten jymqyrylǵan 170 million teńge Qonaev qalasyndaǵy kazinoǵa jumsalǵany anyqtaldy. Qazirgi tańda kúdiktiniń múlkine:
- eki bólmeli páterge,
- Toyota Highlander avtokóligine,
- 50 million teńge aqshasyna,
- quny 91 million teńge bolatyn baǵaly qaǵazdarǵa tyiym salyndy.
Sot sheshimimen kúdikti 2 aiǵa qamaýǵa alyndy. Tergeý jalǵasýda.
