Foto: OQK
Almaty oblysynyń ákimi Marat Sultanǵaziev Sherzat isi boiynsha aitty, -dep habarlaidy ult.kz.
Jýrnalistiń Talǵarda bolǵan qaiǵyly jaǵdaidy baqylaýda ustap otyrsyz ba degen suraǵyna ákim jaýap berdi:
"Bul qaiǵyly oqiǵa bolǵandyqtan, ol januiaǵa kóńilimizdi aitamyz. Jalpy bul másele bizdiń nazarymyzda. Quqyq qorǵaý organdary tolyq óz jumystaryn atqarýda. Qazirgi tańda bul Bas prokýrordyń jáne ministrdiń jeke baqylaýynda. Sondyqtan bizdiń aýditoriiaǵa aitqym kelgeni, sabyrlyq saqtap, quqyq qorǵaý orǵandary bergen málimetterge sený. Óitkeni olar qazir ashyq túrde jumys jasap jatyr", -dedi Marat Sultanǵaziev Ortalyq Kommýnikatsiialar Qyzmetinde ótken brifingte.
Al politsiianyń kúzetinde bolǵan Sherzattyń otbasy múshesi Nurqanattyń qaitys bolýyna bailanysty ákim politsiianyń óz jumys isteý reglamenti bar ekenin aitty.
Ákimniń sózinshe Talǵarda 250 myń adam turady jáne bul aýdan eldegi eń qarqyndy ósip kele jatqan eldi-meken. Al qylmys jaǵdaiy boiynsha:
"Uiymdasqan qylmys bolýy úshin ol top bolýy tiis, maqsaty bolýy kerek degen siiaqty belgili bir nyshandary bolady. Biraq Quqyq qorǵaý organdary ondai belgileri joq deidi. Sol aimaqtyń ákimi, sol aimaqta týyp-ósken azamat retinde ondai zańmen qaralǵan uiymdasqan qylmys joq jáne ony quqyq qorǵaý organdary rastaidy", -deidi ákim.
Eske salsaq, Talǵar qalasynda 4 qazanǵa qaraǵan túni Qarjaýbai Nurymovtyń dúkeninde tutynýshymen Sherzat arasynda kelispeýshilik týyndaidy. Onyń arty janjalǵa jalǵasady. Janjaldyń sońy tóbeleske ulasyp, oqiǵa ornynda onyń ákesi men aǵasy da soqqyǵa jyǵylǵan. 16 jastaǵy Sherzat pyshaqtalyp, basyna myltyqpen tigen soqqydan aýyr jaraqat alady. Ákesi Sherzatty aýrýhanaǵa jetkizgenimen, dárigerler onyń ómirin saqtap qala almady.
10-12 qazanda Qaiǵyly jaǵdai aiasynda Sherzat Polattyń otbasynyń úii órtendi. Bul jaǵdai qoǵamda úlken alańdaýshylyq týdyrdy. Oblys ákimi Marat Sultanǵaziev jaǵdaidy baqylaýǵa alyp, órtengen úidi qalpyna keltirýge ýáde berdi.
9 jeltoqsan kúni politseiler Talǵar shetinen er adamnyń denesi tabylǵany týraly aqparat taratty. Ol Sherzattyń aǵasy Nurqanat Ǵaiypbaevtyń máiiti bolyp shyqty.
Sherzattyń ákesi Qarjaýbai Nurymov inisin jerleý rásiminen keiin ózin agressivti ustady degen aqparat jelide jeldei esti. Resmiler onyń ustalǵany týraly habar taratty.
Oqi otyryńyz: "Talǵar tragediiasy biliktiń bedeline nuqsan keltirip, júieniń álsizdigin áshkerelep otyr" - Dosym Sátpaev
