Búgin Taldyqorǵan qalasynda 9 mamyr – Uly Jeńis merekesi keńinen atalyp ótildi. Merekelik sharanyń basynda Uly Otan soǵysy ardagerlerimen birge oblys ákimi Amandyq Batalov Ortalyq mádeniet jáne demalys saiabaǵyndaǵy Dańq obeliskisine gúl shoqtaryn qoidy. Mert bolǵan maidangerlerdi bir minýt únsizdikpen eske alyp, áskeriler aspanǵa ot atty. Munan keiingi merekelik sharalar «Jastar» saiabaǵynda jalǵasty, dep habarlaidy "Ult aqparat" oblys ákimdiginiń baspasóz qyzmetine silteme jasap.
Saiabaq sahnasynda kórermenderge soǵystyń surapyl jyldarynan «Uly erlik eshqashan umytylmaidy» atty teatrlandyrylǵan kórinis usynyldy. «Máńgi ólmeitin polk» saltanatty sherýmen sap qurap júrip ótti.
Kópshilikti Uly Jeńis merekesimen quttyqtaǵan oblys ákimi Amandyq Batalov:
- Bul Jeńis bizdiń batyr ákelerimiz ben atalarymyzdyń qaharmandyq erliginiń, tyl eńbekkerleriniń qajyrly eńbeginiń arqasynda múmkin boldy. Bul qasterli Jeńis kúni – aǵa urpaqtyń óshpes erliginiń, eren eńbeginiń máńgilik simvoly! Búgingi táýelsizdik tuǵyrynyń berik, eńsemizdiń biik bolýy da, elimizdiń órkendeýi de - Uly jeńistiń jemisi, - dep Otan úshin janyn pida etken jaýyngerlerimizdi jyl saiyn eske alyp, olardyń rýhyna taǵzym etý bizdiń, iaǵni keiingi urpaqtyń eń basty paryzy ekenin atap ótti.
«Barshańyzǵa zor densaýlyq, uzaq ǵumyr, shańyraqtaryńyzǵa shattyq pen baqyt tileimin. Jeńistiń týy jelbirep, elimizdiń abyroiy arta bersin!» – dep izgi tilegin jetkizdi.
Sóziniń sońynda oblys ákimi A. Batalov ardagerlerdiń qurmetine arnap Vladimir Vysotskiidiń sózine jazylǵan «On ne vernýlsia iz boia» atty ándi oryndap berdi.
Munan keiin sahnada Súiinbai atyndaǵy oblystyq filarmoniia men «Taldyqorǵan áýenderi» folklorly-etnografiialyq ansambliniń ónerpazdary, ózge de estrada ánshileri óner kórsetti.
Oblys basshysy merekege orai ardagerler úshin ázirlengen Dala ashanasynda bolyp, ardagerlermen áńgimelesti.
Budan keiin mereke keshkilik jastarǵa arnalǵan disko baǵdarlamamen jalǵasyp, kógildir otshashýmen aiaqtalady.
video: QazAqparat
