Almaty oblysynyń úsh turǵyny 48 jastaǵy er adamdy óltirip, onyń páterin ielenbekshi bolǵan, dep habarlaidy QazAqparat óńirdiń PD baspasóz qyzmetine silteme jasap.
25 naýryzda Eńbekshiqazaq aýdany Qarakemer aýylyna jaqyn mańda jergilikti turǵyndar belgisiz adamnyń órtengen máiitin tapqan.
Sot-meditsinalyq saraptama boiynsha, er adamnyń pyshaqtalyp, kóp qan joǵaltqany anyqtalǵan. Tártip saqshylary óltirilgen adamnyń jeke-basyn anyqtady – ol naýryz aiynyń ortasynan bastap iz-túzsiz joǵalǵandar tizimine engen 48 jastaǵy Almaty turǵyny bolyp shyqty. Almaty men Almaty oblysy politseileriniń birlesken kúshimen úsh kúdikti ustaldy, olardyń biri áiel adam.
«Úsheýi de Eńbekshiqazaq aýdanynyń turǵyny. Olardyń eń úlkeni 33-te jáne eń kishisi 23 jasta. Kúdiktiler bergen túsiniginde zardap shegýshini Almatydaǵy páterin ielený úshin óltirgenin jazǵan. Er adam jalǵyz ózi turyp, ishimdik ishetin bolǵan. Kúdiktiler onyń osy áreketin paidalanǵan. Ony Almaty aýmaǵynda óltirgen. Keiin onyń máiitin jalǵa alǵan kólikpen Eńbekshiqazaq aýdanyna alyp baryp, Qarakemer aýylyna jaqyn jerde órtemek bolǵan», - dedi aýdandyq politsiia bastyǵy Jaqsylyq Altynbaev.
Kúdiktiler qamaýǵa alyndy. Tergeý júrip jatyr.
