الماتى وبلىسىنىڭ ٷش تۇرعىنى 48 جاستاعى ەر ادامدى ٶلتٸرٸپ, ونىڭ پەتەرٸن يەلەنبەكشٸ بولعان, دەپ حابارلايدى قازاقپارات ٶڭٸردٸڭ پد باسپاسٶز قىزمەتٸنە سٸلتەمە جاساپ.
25 ناۋرىزدا ەڭبەكشٸقازاق اۋدانى قاراكەمەر اۋىلىنا جاقىن ماڭدا جەرگٸلٸكتٸ تۇرعىندار بەلگٸسٸز ادامنىڭ ٶرتەنگەن مەيٸتٸن تاپقان.
سوت-مەديتسينالىق ساراپتاما بويىنشا, ەر ادامنىڭ پىشاقتالىپ, كٶپ قان جوعالتقانى انىقتالعان. تەرتٸپ ساقشىلارى ٶلتٸرٸلگەن ادامنىڭ جەكە-باسىن انىقتادى – ول ناۋرىز ايىنىڭ ورتاسىنان باستاپ ٸز-تٷزسٸز جوعالعاندار تٸزٸمٸنە ەنگەن 48 جاستاعى الماتى تۇرعىنى بولىپ شىقتى. الماتى مەن الماتى وبلىسى پوليتسەيلەرٸنٸڭ بٸرلەسكەن كٷشٸمەن ٷش كٷدٸكتٸ ۇستالدى, ولاردىڭ بٸرٸ ەيەل ادام.
«ٷشەۋٸ دە ەڭبەكشٸقازاق اۋدانىنىڭ تۇرعىنى. ولاردىڭ ەڭ ٷلكەنٸ 33-تە جەنە ەڭ كٸشٸسٸ 23 جاستا. كٷدٸكتٸلەر بەرگەن تٷسٸنٸگٸندە زارداپ شەگۋشٸنٸ الماتىداعى پەتەرٸن يەلەنۋ ٷشٸن ٶلتٸرگەنٸن جازعان. ەر ادام جالعىز ٶزٸ تۇرىپ, ٸشٸمدٸك ٸشەتٸن بولعان. كٷدٸكتٸلەر ونىڭ وسى ەرەكەتٸن پايدالانعان. ونى الماتى اۋماعىندا ٶلتٸرگەن. كەيٸن ونىڭ مەيٸتٸن جالعا العان كٶلٸكپەن ەڭبەكشٸقازاق اۋدانىنا الىپ بارىپ, قاراكەمەر اۋىلىنا جاقىن جەردە ٶرتەمەك بولعان», - دەدٸ اۋداندىق پوليتسييا باستىعى جاقسىلىق التىنباەۆ.
كٷدٸكتٸلەر قاماۋعا الىندى. تەرگەۋ جٷرٸپ جاتىر.
