klasterin damytýdyń jobalyq keńsesine Almaty oblysyndaǵy ulttyq parkterdi damytý fýnktsiialary da beriletin boldy, dep habarlaidy "Ult aqparat".
Jobany QR Ekologiia, geologiia jáne tabiǵi resýrstar ministrligi, Almaty oblysy ákimdigi jáne «Kazakh Tourism» ulttyq kompaniiasy birlesip júzege asyrady.
Onda Almaty oblysy aýmaǵynda ornalasqan «Kólsai kólderi», «Ile-Alataý», «Altyn Emel», «Sharyn», «Jońǵar Alataýy» ulttyq parkteriniń ókilderi jumys isteidi. Keńse týristermen, áleýetti investorlarmen, týristik agenttiktermen jáne ulttyq parkter janynan qurylǵan Qoǵamdyq keńester múshelerimen úilestirilgen túrde jumys júrgizedi. Atalǵan jobalyq keńsede bes ulttyq parktegi týristik jáne investitsiialyq múmkindikter týraly barlyq aqparat «bir tereze» qaǵidatymen beriledi.
Eske salaiyq, qańtar aiynda QR Premer-ministriniń tapsyrmasymen Almaty taý klasteriniń birikken jobalyq keńsesi qurylǵan. Osylaisha ulttyq parkterdi damytý mindetterin qosa atqarý arqyly keńse Almaty oblysynda jalpy týrizmdi, onyń ishinde ekotýrizmdi damytý boiynsha strategiialyq organǵa ainalady.
Biryńǵai aqparat alańyn qurý ulttyq parkterdi damytýǵa qatysty mańyzdy máselelerdi sheshýge, atap aitqanda ekotýrizmdi jolǵa qoiýǵa, tsifrlandyrýdy júzege asyrýǵa (WI-FI, beinebaqylaý, dabyl pernesi), reindjerler qyzmetin, taý týrizmi, alpinizm nusqaýshylaryn daiyndaýǵa múmkindik bermek.
Sarapshylardyń baǵalaýynsha, 2025-2030 jyldary elimizdiń ulttyq parkterinde ekotýrizmdi damytýǵa 500 mlrd teńge kólemindegi jeke investitsiialar tartyp, jergilikti ekojúiege salmaq túsirmesten 12,5 mln týristke deiin qabyldaýǵa, 30 myń jatyn oryn, 20 myńdai jumys ornyn qurýǵa bolady.
Sonymen birge sarapshylar Qazaqstanda ulttyq parkterdi damytý arqyly jylyna 5 mlrd AQSh dollaryn tabýǵa bolady dep esepteidi. «Kazakh Tourism» UK Basqarma Tóraǵasy Erjan Erkinbaev atap ótkendei, álemde pandemiia áserinen ekotýrizmge degen qyzyǵýshylyq ýaqyt ótken saiyn arta beredi.
«Bul halyqtyń qazirgi jaǵdaida ashyq tabiǵatta kóbirek bolyp, taza aýamen tynystaǵysy keletinimen bailanysty. Sáikesinshe Qazaqstandaǵy ulttyq parkterge baratyn adamdar qalasaq ta, qalamasaq ta kóbeie beredi. Sondyqtan memleket ondaǵy ekotýrizmge arnalǵan infraqurylymdy jetildirýdi jalǵastyryp, investorlar tartyp, jergilikti ekojúiege túsetin júktemeni teńdei úlestirýi kerek», - dedi ol.
Óz kezeginde Ekologiia ministrligi barlyq múddeli taraptarmen birlesip ulttyq parkterdi damytý boiynsha áriptestik ornatýǵa daiyn.
