Oblystyq jáne aýylishilik joldardy jóndeýge jergilikti biýdjetten jyl saiyn 25 mlrd. teńgeden astam qarjy bólinip, jergilikti joldardyń 78%-iniń jaǵdaiy birshama jaqsardy. Bul týraly oblys ákimi Amandyq Batalovtyń turǵyndar aldyndaǵy esep berý jiynynda aityldy.
«Nurly jol» baǵdarlamasynyń arqasynda álemdik zamanaýi standarttarǵa sáikes «Batys Eýropa – Batys Qytai», «Almaty – Taldyqorǵan» avtokólik joldary jasaldy. Ótken jyldyń ózinde ǵana kólik qyzmetiniń kólemi 10% ósip, 500 mlrd. teńgege jetken.
Osy jyly «Taldyqorǵan-Óskemen», «Úsharal-Dostyq», «Uzynaǵash-Otar», «Kúrti-Býrylbaital» avtokólik joldarynyń qurylysy bastalyp, sonyń nátijesinde óńirdiń tranzittik áleýeti burynǵydan da arta túspek.
Jalpy Almaty oblysyndaǵy avtokólik joldarynyń uzyndyǵy 9334 shaqyrym bolsa, sonyń 6788 shaqyrymy – jergilikti mańyzdaǵy joldar.
