Almaty oblysynda súndet toidyń qurmetine kókpar tartqandar jazalandy. Trassanyń qaq ortasynda tártip buzǵan kókparshylar Qarasai aýdanynyń turǵyndary bolyp shyqty, dep habarlaidy "Ult aqparat".
Aita keteiik, kókparshylardyń videosy áleýmettik jelige tarap, halyq narazylyǵyn týdyrtqan bolatyn.
«1 qarasha kúni politsiiaǵa Almaty-Jandosov jolynda kókpar uiymdastyrylyp jatqandyǵy jóninde habarlama kelip tústi. Tártip saqshylary anyqtaǵandai, ulttyq oiyndy Dolan aýylynyń 38 jastaǵy turǵyny uiymdastyrǵan. Ol bes jastaǵy ulyn súndetke otyrǵyzý qurmetine kókpar uiymdastyrǵan. Er azamat politsiia bólimine jetkizildi», - delingen Almaty oblystyq Politsiia departamenti baspasóz qyzmetiniń habarlamasynda.
38 jastaǵy turǵyn karantin talaptaryn buzǵany úshin QR Ákimshilik kodeksiniń 434-baby 1-tarmaǵyna sáikes jazalanatyn bolady. Oǵan qatysty is tiisti organǵa joldandy.
