Almaty oblysy Eńbekshiqazaq aýdanynda jer silkinisinen keiin mektep qabyrǵalaryndaǵy burynǵy jaryqshaqtar úlkeiip ketken. Onyń videosy áleýmettik jelilerde tarady, - dep habarlaidy "Ult aqparat".
Áńgime Almatydan 100 shaqty shaqyrym jerde ornalasqan Qaiypov aýylyndaǵy bilim berý mekemesi týraly bolyp otyr. Qazaqstan orta mektebiniń salynǵanyna 10 jyl da bolmaǵan. Qurylysy 2014 jyly bastalyp, 2015 jyly paidalanýǵa berilgen.
Eńbekshiqazaq aýdandyq bilim bólimi mektep ǵimaratynyń qabyrǵasyndaǵy bul jaryqtar jer silkinisine deiin de bolǵanyn jetkizdi.
«Alaida jer silkinisinen keiin jaryqshaq 10 santimetrge deiin keńeiip ketken.
Bul mektepte búginde 564 oqýshy oqidy. Oqý protsesi kúndizgi rejimde júrgiziledi. Tótenshe jaǵdailar basqarmasy apatty jaǵdai dep tanymady», — dep atap ótti aýdandyq bilim bóliminen.
