الماتى وبلىسى ەڭبەكشٸقازاق اۋدانىندا جەر سٸلكٸنٸسٸنەن كەيٸن مەكتەپ قابىرعالارىنداعى بۇرىنعى جارىقشاقتار ٷلكەيٸپ كەتكەن. ونىڭ ۆيدەوسى ەلەۋمەتتٸك جەلٸلەردە تارادى, - دەپ حابارلايدى "ۇلت اقپارات".
ەڭگٸمە الماتىدان 100 شاقتى شاقىرىم جەردە ورنالاسقان قايىپوۆ اۋىلىنداعى بٸلٸم بەرۋ مەكەمەسٸ تۋرالى بولىپ وتىر. قازاقستان ورتا مەكتەبٸنٸڭ سالىنعانىنا 10 جىل دا بولماعان. قۇرىلىسى 2014 جىلى باستالىپ, 2015 جىلى پايدالانۋعا بەرٸلگەن.
ەڭبەكشٸقازاق اۋداندىق بٸلٸم بٶلٸمٸ مەكتەپ عيماراتىنىڭ قابىرعاسىنداعى بۇل جارىقتار جەر سٸلكٸنٸسٸنە دەيٸن دە بولعانىن جەتكٸزدٸ.
«الايدا جەر سٸلكٸنٸسٸنەن كەيٸن جارىقشاق 10 سانتيمەترگە دەيٸن كەڭەيٸپ كەتكەن.
بۇل مەكتەپتە بٷگٸندە 564 وقۋشى وقيدى. وقۋ پروتسەسٸ كٷندٸزگٸ رەجيمدە جٷرگٸزٸلەدٸ. تٶتەنشە جاعدايلار باسقارماسى اپاتتى جاعداي دەپ تانىمادى», — دەپ اتاپ ٶتتٸ اۋداندىق بٸلٸم بٶلٸمٸنەن.
