Búgin Qazaqstan Respýblikasy Sybailas jemqorlyqqa qarsy is-qimyl agenttiginiń Almaty oblysy boiynsha Departamenti men Almaty oblysynyń Din isteri basqarmasynyń uiymdastyrýymen sybailas jemqorlyqqa qarsy mádenietti qalyptastyrý maqsatynda túrli etnos jáne din ókilderimen kezdesý ótkizildi.
Jiynnyń negizgi maqsaty – jalpy adamgershilik jáne ulttyq qundylyqtar negizinde sybailas jemqorlyqqa qarsy mádenietti qalyptastyrý.
Jemqorlyq kórinisterine jol bermeýdi, onyń aldyn alýdy kózdegen jiynǵa din jáne túrli etnos ókilderi, Departament janynan qurylǵan aqparattyq-aǵartýshylyq shtab jetekshisi, Departament jáne jergilikti atqarýshy organ ókilderi men jastar qatysty.
Jemqorlyqtyń aldyn alý jáne parasattylyq basqarmasynyń basshysy Asqar Jumahanuly Sadyqov: «Adamdardyń sybailas jemqorlyqtan sanaly túrde alshaq júrýi mańyzdy. Mundai senim adamnyń adamgershilik jáne rýhani damýy arqyly bolýy múmkin. Meshit, shirkeý, ǵibadathana, sinagoga jáne basqa da dini ǵimarattar – bul adamgershilik tárbie ortalyqtary. Dini rásimderdi, ýaǵyzdardy oryndaý kezinde sybailas jemqorlyqtyń kúná ekendigi týraly únemi túsindirýdi tájiribege engizýdi suraǵym keledi», – dep, jiynda sóz sóilep, sybailas jemqorlyqtyń aldyn alýda ári rýhani-adamgershilik jaǵdaiyn qalyptastyrýda din ókilderiniń alatyn orny erekshe ekendigin atap ótip, oblystaǵy barlyq meshitterdegi juma namazdarǵa kelýshilerge jemqorlyqqa qarsy túsindirý sharalaryn turaqty negizde júrgizýdi usyndy.
Bul usynysty jiynǵa qatysýshy imamdar biraýyzdan qoldap, adaldyq qasieti dástúrli dinimizde asa qundy mánge ie ekendigin jetkizdi.
«Sybailas jemqorlyq tek zańdarmen ǵana emes, sonymen qatar dinderdiń postýlattarymen de aiyptalǵandyqtan, sybailas jemqorlyqqa qarsy mádenietti qalyptastyrýda biz dini qoǵamdastyqtyń kómegine júginemiz. Biz dini qyzmetshilerdiń joǵary adamgershiligi men bedeli halyqtyń mádeni qundylyqtaryn nyǵaitýǵa ólsheýsiz úles qosýǵa kómektesetinine senimdimiz», – dep túiindedi spiker.
Almaty oblysy boiynsha sybailas jemqorlyqqa qarsy is-qimyl departamenti mamandary barlyq nysanaly toptarmen, onyń ishinde din ókilderin tarta otyryp, parasattylyq qaǵidattary týraly túsindirý jumystaryn turaqty negizde júrgizetinin atap ótti.
