بٷگٸن قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ الماتى وبلىسى بويىنشا دەپارتامەنتٸ مەن الماتى وبلىسىنىڭ دٸن ٸستەرٸ باسقارماسىنىڭ ۇيىمداستىرۋىمەن سىبايلاس جەمقورلىققا قارسى مەدەنيەتتٸ قالىپتاستىرۋ ماقساتىندا تٷرلٸ ەتنوس جەنە دٸن ٶكٸلدەرٸمەن كەزدەسۋ ٶتكٸزٸلدٸ.
جيىننىڭ نەگٸزگٸ ماقساتى – جالپى ادامگەرشٸلٸك جەنە ۇلتتىق قۇندىلىقتار نەگٸزٸندە سىبايلاس جەمقورلىققا قارسى مەدەنيەتتٸ قالىپتاستىرۋ.
جەمقورلىق كٶرٸنٸستەرٸنە جول بەرمەۋدٸ, ونىڭ الدىن الۋدى كٶزدەگەن جيىنعا دٸن جەنە تٷرلٸ ەتنوس ٶكٸلدەرٸ, دەپارتامەنت جانىنان قۇرىلعان اقپاراتتىق-اعارتۋشىلىق شتاب جەتەكشٸسٸ, دەپارتامەنت جەنە جەرگٸلٸكتٸ اتقارۋشى ورگان ٶكٸلدەرٸ مەن جاستار قاتىستى.
جەمقورلىقتىڭ الدىن الۋ جەنە پاراساتتىلىق باسقارماسىنىڭ باسشىسى اسقار جۇماحانۇلى سادىقوۆ: «ادامداردىڭ سىبايلاس جەمقورلىقتان سانالى تٷردە الشاق جٷرۋٸ ماڭىزدى. مۇنداي سەنٸم ادامنىڭ ادامگەرشٸلٸك جەنە رۋحاني دامۋى ارقىلى بولۋى مٷمكٸن. مەشٸت, شٸركەۋ, عيباداتحانا, سيناگوگا جەنە باسقا دا دٸني عيماراتتار – بۇل ادامگەرشٸلٸك تەربيە ورتالىقتارى. دٸني رەسٸمدەردٸ, ۋاعىزداردى ورىنداۋ كەزٸندە سىبايلاس جەمقورلىقتىڭ كٷنە ەكەندٸگٸ تۋرالى ٷنەمٸ تٷسٸندٸرۋدٸ تەجٸريبەگە ەنگٸزۋدٸ سۇراعىم كەلەدٸ», – دەپ, جيىندا سٶز سٶيلەپ, سىبايلاس جەمقورلىقتىڭ الدىن الۋدا ەرٸ رۋحاني-ادامگەرشٸلٸك جاعدايىن قالىپتاستىرۋدا دٸن ٶكٸلدەرٸنٸڭ الاتىن ورنى ەرەكشە ەكەندٸگٸن اتاپ ٶتٸپ, وبلىستاعى بارلىق مەشٸتتەردەگٸ جۇما نامازدارعا كەلۋشٸلەرگە جەمقورلىققا قارسى تٷسٸندٸرۋ شارالارىن تۇراقتى نەگٸزدە جٷرگٸزۋدٸ ۇسىندى.
بۇل ۇسىنىستى جيىنعا قاتىسۋشى يمامدار بٸراۋىزدان قولداپ, ادالدىق قاسيەتٸ دەستٷرلٸ دٸنٸمٸزدە اسا قۇندى مەنگە يە ەكەندٸگٸن جەتكٸزدٸ.
«سىبايلاس جەمقورلىق تەك زاڭدارمەن عانا ەمەس, سونىمەن قاتار دٸندەردٸڭ پوستۋلاتتارىمەن دە ايىپتالعاندىقتان, سىبايلاس جەمقورلىققا قارسى مەدەنيەتتٸ قالىپتاستىرۋدا بٸز دٸني قوعامداستىقتىڭ كٶمەگٸنە جٷگٸنەمٸز. بٸز دٸني قىزمەتشٸلەردٸڭ جوعارى ادامگەرشٸلٸگٸ مەن بەدەلٸ حالىقتىڭ مەدەني قۇندىلىقتارىن نىعايتۋعا ٶلشەۋسٸز ٷلەس قوسۋعا كٶمەكتەسەتٸنٸنە سەنٸمدٸمٸز», – دەپ تٷيٸندەدٸ سپيكەر.
الماتى وبلىسى بويىنشا سىبايلاس جەمقورلىققا قارسى ٸس-قيمىل دەپارتامەنتٸ ماماندارى بارلىق نىسانالى توپتارمەن, ونىڭ ٸشٸندە دٸن ٶكٸلدەرٸن تارتا وتىرىپ, پاراساتتىلىق قاعيداتتارى تۋرالى تٷسٸندٸرۋ جۇمىستارىن تۇراقتى نەگٸزدە جٷرگٸزەتٸنٸن اتاپ ٶتتٸ.
