Almaty oblysynda jasóspirim ózimen jasty balany óltirdi degen kúdikpen qamaýǵa alyndy, dep habarlaidy Ult.kz Almaty oblystyq politsiia departamentine silteme jasap.
«Politsiia qyzmetkerleri Talǵar aýdanynyń kámeletke tolmaǵan turǵynynyń ólimine ákelgen dene jaraqattaryn salý faktisi boiynsha qylmystyq is tirkedi. Kúdikti – kámeletke tolmaǵan jasóspirim izin sýytpai ustalyp, ýaqytsha ustaý izoliatoryna qamaqqa alyndy. Sot sanktsiiasymen qamaýǵa alyndy. Oqiǵanyń barlyq mán-jaiyn jan-jaqty, tolyq jáne obektivti zertteýge baǵyttalǵan keshendi tergeý sharalary júrgizilýde», – dep habarlady Almaty oblystyq politsiia departamentiniń baspasóz qyzmeti.
Berilgen málimetke sáikes, tergeý departament basshylyǵynyń erekshe baqylaýynda. QR QPK-niń 201-babynyń talaptaryna sáikes, basqa aqparat jariialaýǵa jatpaidy.
