Almaty oblysy ákiminiń orynbasary Jaqsylyq Omar jáne áleýmettik salaǵa jaýapty basqarmalar basshylary Talǵar aýdanynyń tynys-tirshiligimen tanysty. Áleýmettik nysandardy aralap, sheshilýi tiis máselelerge den qoidy.
Basshylyq birinshi kezekte stýdentterdiń aryz-shaǵymynan soń kúrdeli jóndeýden ótken Talǵar meditsinalyq kolledjiniń jataqxanasyna bas suqty. Atalmysh bilim ordasynda 978 bilimger tárbielenýde. 250 oryndy jataqxanaǵa stýdentter syimai jatady. «Almaty oblysynyń memlekettik arxivi» kommýnaldyq memlekettik mekemesiniń Talǵar filialynyń nysany talapqa sai emes. Qujattar jertólede saqtalady, aýa temperatýrasy da standartqa sai emes. Sondyqtan bolashaqta jeke ǵimarat salý bolmasa ǵimarat satyp alý máselesi nazarǵa alyndy. Oblystyq meditsinalyq-áleýmettik ońaltý jáne psixoterapiia ortalyǵynyń nysany jóndeý qurylys jumysyn qajet etedi. Psixologiialyq aýytqýy bar naýqastarǵa jaǵdai jasap, zaman talabyna sai emdeý sharalary sóz boldy. «Olarǵa naýqas dep emes, saý adam retinde qarańyzdar. Qoldarynan kelgen ispen ainalystyryńyzdar. Bos ýaqyttaryn tiimdi paidalanyp, eńbek etsin», – degen Jaqsylyq Muqashuly úlken mán bergen jaǵdaida naýqastardyń saýyǵyp ketetinine senim bildirdi. 10 jyldan beri múldem jóndeý júrgizilmegen aýdandyq Mádeniet úiiniń jaǵdaiy syn kótermeidi. Qazir shatyryn jóndeýge qarajat bólindi. Keiin tolyq qurylys jumystary júrgiziledi.
Ortalyq aýrýxanany aralaý barysynda mindetti áleýmettik meditsinalyq saqtandyrýdy turǵyndarǵa túsindirý sharasyna nazar aýdaryldy. 2016 jyly aýdan boiynsha 3320 náreste dúniege kelse, jyl basynan beri 1504 sábi ómir esigin ashqan. Analardyń basym kópshiligi qanazdyq naýqasymen aýyrady. Turǵyndardyń qaterli isikpen syrqattaný kórsetkishi de joǵary. Talǵar aýdany memlekettik mańyzy bar jol boiynda ornalasqan soń kólik apaty jii oryn alady. Oblys boiynsha jol apatynan jaraqattanýshylar sany boiynsha 2-orynda tur.
Aýdandyq aktiv jiynynda aýdan ákimi Raihan Sadyqova óńirdiń áleýmettik-ekonomikalyq jaǵdaiymen tanystyrdy. Sóz alǵan oblys ákiminiń orynbasary Jaqsylyq Omar mekteptegi úshaýysymdy oqý júiesin boldyrmaý úshin jańa oqý jylyna deiin 5 jańa mekteptiń paidalanýǵa beriletinin jetkizdi. Sondai-aq, ol jastar arasyndaǵy jumyssyzdyq pen qylmysty azaitý kerektigin aitty. Qatysýshylar tarapynan «tarihi-ólketaný mýzeii ashylsa eken» degen usynys tústi.
Issapar barysynda basshylyq zaman talabyna sai jabdyqtalyp, turǵyndardyń sportpen ainalysýyna jaǵdai jasap otyrǵan “Triumpher” sport kompleksi, “Almaty Horse&Polo Club” at-sporttyq kompleksi, “AIBA” álemdik boks akademiiasyn aralap, qyzmetine tánti boldy. Sondai-aq, “Aqbulaq” balalar lageri tek qysta ǵana emes, jaz mezgilinde de oqýshylar men týristerdiń demalýyna múmkindik ashyp otyr.
Talǵar aýdany.
Máýlen ÁNERBAI
