Biyl Almaty oblysynda 15 526 adam mektepti aiaqtasa, sonyń ishinde 11 589 túlek UBT tapsyrýǵa ótinim bergen, dep habarlaidy "Ult aqparat" óńirlik kommýnikatsiialar qyzmetine silteme jasap.
Oblysta UBT ótkizetin 16 pýnkt jumys isteidi. Jahandy jailaǵan koronavirýs infektsiiasyna bailanysty UBT ótkiziletin árbir pýnkte meditsinalyq-sanitarlyq normalarǵa sáikes barlyq synaqtan ótýshiler zalalsyzdandyrýdyń 5 kezeńinen ótedi.
«Bilim synaǵyn táýelsiz sarapshylar qadaǵalaidy. Onyń quramynda arnaiy monitoring tobynyń músheleri, qoǵam qairatkerleri, úkimettik emes uiym ókilderi bar», - deidi oblystyq bilim basqarmasynyń basshysy Maigúl Omarova.
UBT ótkizilgen úsh kúnde 4093 oqýshy testke qatysýǵa ótinish bergen. Onyń 98-i testen ótýden bas tartsa, 15-i syrqattanyp qalǵan.
Úsh kúnniń ishinde synaq tapsyrýshylardyń 47-si ereje buzǵan. Osylaisha olar testen shettetilgen. Sońǵy úsh kúnniń ishinde 3933 oqýshy bilim synaǵynan ótken.
Maýsym aiynda testileýge kirgizilmegen, nemese UBT nátijeleri joiylǵan bolsa túlek qańtar aiynda ekinshi márte synaqtan óte alady.
Shekti ball jinaǵan jaǵdaida túlek JOO-na aqyly negizde oqýǵa túse alady.
