Almaty oblysynda meshitterde urlyq jasaǵan 25 jastaǵy er adam ustady. Qazirgi ýaqytta kúdiktiniń 16 urlyqqa qatysy bar ekeni dáleldendi, - dep habarlaidy Tengrinews.kz tilshisi polisia.kz saityna silteme jasap.
Talǵar aýdanynyń politseilerine aqpannyń aiaǵynan bastap Tuzdybastaý, Gúldala, Qyzyl Tý jáne Panfilov aýyldaryndaǵy meshitke kelýshilerden aryz túse bastaǵan. Únemi betperde kiip júretin qylmyskerdiń áreketi kóshedegi beinebaqylaý kamerasyna túsip qalǵan, delingen habarlamada.
"Kúdikti quptan namazynyń ýaqytyn paidalanyp, kelýshilerdiń aqshasyn, uialy telefondaryn jáne baǵaly zattaryn urlap ketken. Ol meshit ishinde de, syrtynda da áreket etip, turaqtaǵy kólikterdi buzyp ashqan. Ol bolat ushy bar arnaiy balǵamen kólikterdiń terezesin syndyrǵan. Er adam buryn urlyq jasaǵany úshin qylmystyq jaýapkershilikke tartylǵan bolyp shyqty. Ol - Esik qalasynyń 25 jastaǵy turǵyny. Qazir ustalǵan azamattyń osyǵan uqsas basqa da urlyq áreketterine qatysy bar-joǵy tekserilip jatyr", - deidi Talǵar aýdandyq politsiia bastyǵynyń orynbasary Andrei Býrianskii.
