Almaty oblysy sottaryndaǵy daýdy mediatsiia tártibimen retke keltirý týraly kelisimge kelý sharty boiynsha talapkerlerge 90 millionǵa jýyq teńge kólemindegi memlekettik baj tólemi qaitaryldy, dep habarlaidy "Ult aqparat" oblystyq sottyń baspasóz qyzmetine silteme jasap.
Onyń ishinde, basym bóligi Mamandandyrylǵan aýdanaralyq ekonomikalyq sotymen - 59 439 286 teńge, Qarasai aýdandyq sotymen - 14 857 878 teńge jáne Taldyqorǵan qalalyq sotymen 3 284 709 teńge qaitaryldy.
Taldyqorǵan qalalyq sotynyń tatýlastyrýshy-sýdiasy Sara Jańbyrbaevanyń aitýynsha, rettelgen daýlardyń kópshiligi - qaryzdy ótep alý men neke-otbasylyq qatynastardan shyǵatyn daýlar. Orta eseppen sýdia eki kúnde 1 mediatsiia protsedýrasyn júrgizip, bul jalpy sottyń júktemisin tómendetken. Búgingi kúni Sara Jańbyrbaeva taraptardy 168 is boiynsha tatýlastyrǵan, iaǵni 336 tarap daýly jaǵdaidyń beibit jolmen sheshilgenine qanaǵattandy.
Tek bir aptanyń ishinde, Almaty oblysy boiynsha MAES-ymen milliondaǵan aqsha qarajatyn óndirý týraly daýdy mediatsiia tártibimen retke keltirý boiynsha eki kelisim bekitilgen.
Taǵy da aita ketetin jait, memlekettik baj tólemi - qaitarylatyn, daýlar men daýly jaǵdailardy retteýdiń alternativti ádisterin belsendi túrde qoldaný, tatýlastyrý rásimderi institýtynyń qoǵam arasynda damýyndaǵy birden-bir bastamasy.
Mediatsiia rásimderin qoldanýdyń maqsaty – ekonomikalyq kózqaras jaǵynan taraptarǵa túsinikti bolatyn, daýlardyń sotqa deiingi rettelýi eki taraptyń da talabyna qatysty ózara tiimdi sheshim shyǵarý. Sondai-aq, sot isine ketýi múmkin ýaqyt pen seriktestik qarym-qatynasty saqtap qalýǵa múmkindik beretin biryńǵai sot praktikasyna arnalǵan sharttardy qurý bolyp sanalady.
