Almaty oblysyndaǵy Sarqan aýdanynyń bilim bólimi 1 kitap jiyntyǵyn 57 mln 976 myń teńgege satyp alýdy josparlaǵan. Al onyń ortasha naryqtyq baǵasy – 670-2000 teńge aralyǵynda, - dep habarlaidy QazAqparat.
Óreskel zań buzýshylyqty Almaty oblysy boiynsha Sybailas jemqorlyqqa qarsy qyzmeti «Satyp alýdyń biryńǵai terezesi» veb-portaly arqyly anyqtap, toqtatty. Keiin mekeme 8 663 dana kitapqa 5 mln teńge kórsetti. Alaida, baǵany ósirý derekteri tyiylar emes. Máselen, oblystyq ishki saiasat basqarmasyna qarasty «Qoǵamdyq kelisim» mekemesi biýdjet qarajatynan 33 mln teńgege saýalnama júrgizýdi josparlaǵan. Jedel áreket etý nátijesinde memlekettik mekeme satyp alýdan bas tartty.
Antikorrýptsiialyq qyzmet ókilderi bes aida memlekettik mekemelerge osy tektes 47 usynym joldanǵan.
«Bes aidyń qorytyndysyna sáikes negizsiz satyp alý salasy boiynsha 972 mln teńge biýdjetke qaitaryldy. Osyǵan orai biz mekeme basshylary men memlekettik satyp alýshylardyń biliktiligin arttyrýǵa baǵyttalǵan seminarlar ótkizip jatyrmyz. Tanymdyq sabaqtarda zańnamalyq jáne qarjylyq saýattylyq arttyrý nusqaýlyqtarymen jiti tanystyrdyq», - dedi oblystyq departament basqarmasynyń basshysy Asqar Sadyqov.
Eske salsaq, departamenttiń der kezinde áreket etýiniń arqasynda 2021 jyly 10 milliard teńgeden astam biýdjet qarajaty únemdelgen.
