الماتى وبلىسىنداعى سارقان اۋدانىنىڭ بٸلٸم بٶلٸمٸ 1 كٸتاپ جيىنتىعىن 57 ملن 976 مىڭ تەڭگەگە ساتىپ الۋدى جوسپارلاعان. ال ونىڭ ورتاشا نارىقتىق باعاسى – 670-2000 تەڭگە ارالىعىندا, - دەپ حابارلايدى قازاقپارات.
ٶرەسكەل زاڭ بۇزۋشىلىقتى الماتى وبلىسى بويىنشا سىبايلاس جەمقورلىققا قارسى قىزمەتٸ «ساتىپ الۋدىڭ بٸرىڭعاي تەرەزەسٸ» ۆەب-پورتالى ارقىلى انىقتاپ, توقتاتتى. كەيٸن مەكەمە 8 663 دانا كٸتاپقا 5 ملن تەڭگە كٶرسەتتٸ. الايدا, باعانى ٶسٸرۋ دەرەكتەرٸ تىيىلار ەمەس. مەسەلەن, وبلىستىق ٸشكٸ ساياسات باسقارماسىنا قاراستى «قوعامدىق كەلٸسٸم» مەكەمەسٸ بيۋدجەت قاراجاتىنان 33 ملن تەڭگەگە ساۋالناما جٷرگٸزۋدٸ جوسپارلاعان. جەدەل ەرەكەت ەتۋ نەتيجەسٸندە مەملەكەتتٸك مەكەمە ساتىپ الۋدان باس تارتتى.
انتيكوررۋپتسييالىق قىزمەت ٶكٸلدەرٸ بەس ايدا مەملەكەتتٸك مەكەمەلەرگە وسى تەكتەس 47 ۇسىنىم جولدانعان.
«بەس ايدىڭ قورىتىندىسىنا سەيكەس نەگٸزسٸز ساتىپ الۋ سالاسى بويىنشا 972 ملن تەڭگە بيۋدجەتكە قايتارىلدى. وسىعان وراي بٸز مەكەمە باسشىلارى مەن مەملەكەتتٸك ساتىپ الۋشىلاردىڭ بٸلٸكتٸلٸگٸن ارتتىرۋعا باعىتتالعان سەمينارلار ٶتكٸزٸپ جاتىرمىز. تانىمدىق ساباقتاردا زاڭنامالىق جەنە قارجىلىق ساۋاتتىلىق ارتتىرۋ نۇسقاۋلىقتارىمەن جٸتٸ تانىستىردىق», - دەدٸ وبلىستىق دەپارتامەنت باسقارماسىنىڭ باسشىسى اسقار سادىقوۆ.
ەسكە سالساق, دەپارتامەنتتٸڭ دەر كەزٸندە ەرەكەت ەتۋٸنٸڭ ارقاسىندا 2021 جىلى 10 ميلليارد تەڭگەدەن استام بيۋدجەت قاراجاتى ٷنەمدەلگەن.
