Kámeletke tolmaǵan jasóspirim 5 aqpannan 6-syna qaraǵan túni temirjol deposynda ornalasqan 50 metr munaradan sekirýge tyrysqan, dep habarlaidy "Ult aqparat".
Almaty oblysy Qaratal aýdandyq politsiia bóliminiń «Búrkit-287» patrýldik ekipajy Úshtóbe qalasynyń turǵyny, 17 jastaǵy jasóspirimniń ómirin saqtap qaldy.
«Politsiia leitenanty - Nurman Omarov pen Maqsut Muhamadiev aldymen jasóspirimdi sózge tartqan. Ol bailanyspai kelmei qarsylyq kórsetken. Nurman Omarov jaqyn turǵan munaraǵa kóterilip, kópir boiymen júrip ótip, oǵan jaqyndaǵan», - dedi Qaratal aýdandyq PB bastyǵy Raýan Ábdiraiymov.
20 minýtqa sozylǵan kelissózden keiin jas jigit qutqarylyp, qaýipsiz jerge jetkizildi.
«Búginde jasóspirimniń ómirine eshqandai qaýip tónip turǵan joq. Onymen iývenaldy politsiia qyzmetkerleri men psihologtar kezdesip, profilaktikalyq áńgime júrgizdi. Onyń ata-anasyna qatysty QR ÁQBtK - niń 127-baby jáne QR ÁQBtK-niń 442-babymen eki hattama toltyryldy, iaǵni kámeletke tolmaǵan balanyń túnde kóshede júrgeni jáne ata-ana quqyǵyn tiisinshe oryndalmaýy boiynsha», - dedi Raýan Ábdiraiymov.
