Almaty oblysynyń politseileri úsh adamdy óltirý qylmysyn izin sýytpai ashty, dep habarlaidy "Ult aqparat" Polisia.kz saityna silteme jasap.
24 aqpan kúni tańerteń turǵyn úi páterleriniń birinde zorlyqpen óltirý belgileri bar 3 adamnyń denesi tabylǵany týraly habar túsken. Politseiler qaza bolǵandardyń tulǵasyn anyqtady. Kóz jumǵandardyń barlyǵy beiáleýmettik ómir súrý daǵdysyn ustanǵan jáne ishimdikke áýes bolǵan. Qylmysty jasady degen kúdikpen olardyń tanysy ustaldy.
Sol kúni barlyǵy qosylyp, spirtti ishimdikter ishken. Kúdikti qylmys jasaǵannan keiin oqiǵa ornynan qashyp ketken. Al qylmys quralyn laqtyryp jibergen.
Biraq politseiler ony bir táýlik ishinde izdep-tapty. Ol qylmysyn moiyndady.
Kúdikti – buǵan deiin buzaqylyq úshin isti bolǵan, Eskeldi aýdanynyń 26 jastaǵy turǵyny. Qazirgi ýaqytta ýaqytsha ustaý abaqtysyna qamaldy, aiǵaqzat tárkilendi.
QR Qylmystyq kodeksiniń 99-baby, 2-bóligimen sotqa deiingi tergep-tekserý amaldary bastaldy. Ózge aqparat tergeý múddesine orai jariialanbady.
