Almaty oblysynda iz-túzsiz joǵalǵan 10-synyp oqýshysy jarty aidan beri tabylmai jatyr, dep habarlaidy "Ult aqparat".
«2004 jyldyń 30 qazany kúni týǵan Jumasyl Erasyl Serikqaliulynyń iz-túzsiz joǵalǵany týraly habar politsiiaǵa 10 qyrkúiekte kelip tústi. Sodan beri jasóspirim bala izdestirilýde», - dedi Almaty oblystyq Politsiia departamentiniń baspasóz qyzmetinen.
16 jastaǵy jasóspirim Sarqan aýdany, Cherkask aýylyndaǵy úiinen 9 qyrkúiekte shyǵyp ketip, qaityp oralmaǵan.
Ol Cherkask aýylynyń Tynyshbaev atyndaǵy mekteptiń 10-synybynda oqidy.
Ústinde qyzyl tústi sporttyq kúrteshe, qara tústi jeńil kýrtka, qara tústi triko, aiaǵynda aqshyl kók tústi sporttyq aiaq kiim bolǵan. Boiy – 170 sm, shashy qońyr tústi.
«Osy derek boiynsha qazirgi kezde izdeý jumystary jalǵastyrylýda», - dedi departamentten.
Politseiler Erasyl jaily qandai da bir aqparatqa ie azamattardan dereý politsiiaǵa habarlasýdy suraidy.
