الماتى وبلىسىندا ٸز-تٷزسٸز جوعالعان 10-سىنىپ وقۋشىسى جارتى ايدان بەرٸ تابىلماي جاتىر, دەپ حابارلايدى "ۇلت اقپارات".
«2004 جىلدىڭ 30 قازانى كٷنٸ تۋعان جۇماسىل ەراسىل سەرٸكقاليۇلىنىڭ ٸز-تٷزسٸز جوعالعانى تۋرالى حابار پوليتسيياعا 10 قىركٷيەكتە كەلٸپ تٷستٸ. سودان بەرٸ جاسٶسپٸرٸم بالا ٸزدەستٸرٸلۋدە», - دەدٸ الماتى وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
16 جاستاعى جاسٶسپٸرٸم سارقان اۋدانى, چەركاسك اۋىلىنداعى ٷيٸنەن 9 قىركٷيەكتە شىعىپ كەتٸپ, قايتىپ ورالماعان.
ول چەركاسك اۋىلىنىڭ تىنىشباەۆ اتىنداعى مەكتەپتٸڭ 10-سىنىبىندا وقيدى.
ٷستٸندە قىزىل تٷستٸ سپورتتىق كٷرتەشە, قارا تٷستٸ جەڭٸل كۋرتكا, قارا تٷستٸ تريكو, اياعىندا اقشىل كٶك تٷستٸ سپورتتىق اياق كيٸم بولعان. بويى – 170 سم, شاشى قوڭىر تٷستٸ.
«وسى دەرەك بويىنشا قازٸرگٸ كەزدە ٸزدەۋ جۇمىستارى جالعاستىرىلۋدا», - دەدٸ دەپارتامەنتتەن.
پوليتسەيلەر ەراسىل جايلى قانداي دا بٸر اقپاراتقا يە ازاماتتاردان دەرەۋ پوليتسيياعا حابارلاسۋدى سۇرايدى.
