Almaty oblysynda dárigerler koronavirýs juqtyrmaǵanyn rastaityn anyqtamany 25 myń teńgege satqan, dep habarlaidy "Ult aqparat".
Jedel-izdestirý is-sharalaryn júrgizý barysynda QR Qarjy ministrligi Qarjy monitoringi komitetiniń Almaty oblysy boiynsha Ekonomikalyq tergeý departamentiniń qyzmetkerleri PTR-testine teris nátije kórsetilgen jalǵan anyqtamalardy berý faktisin anyqtady.
Qabyldanǵan sharalar nátijesinde «Covid-19»-ǵa PTR teris nátijesi kórsetilgen anyqtamany berý úshin 25 000 teńge kóleminde aqshalai syiaqy alý kezinde 1984 jyly týǵan meditsina qyzmetkeri ustaldy.
«Jaýap alý barysynda Almaty oblysynyń turǵyny maýsym aiynan bastap qazirgi ýaqytqa deiin 12-ge jýyq osyndai anyqtama usynǵanyn habarlady. Qazirgi ýaqytta atalǵan fakti boiynsha sotqa deiingi tergeý isi qozǵaldy», - dep habarlady QR Qarjy ministrligi Qarjy monitoringi komitetiniń baspasóz qyzmeti.
