الماتى وبلىسىندا دەرٸگەرلەر كوروناۆيرۋس جۇقتىرماعانىن راستايتىن انىقتامانى 25 مىڭ تەڭگەگە ساتقان, دەپ حابارلايدى "ۇلت اقپارات".
جەدەل-ٸزدەستٸرۋ ٸس-شارالارىن جٷرگٸزۋ بارىسىندا قر قارجى مينيسترلٸگٸ قارجى مونيتورينگٸ كوميتەتٸنٸڭ الماتى وبلىسى بويىنشا ەكونوميكالىق تەرگەۋ دەپارتامەنتٸنٸڭ قىزمەتكەرلەرٸ پتر-تەستٸنە تەرٸس نەتيجە كٶرسەتٸلگەن جالعان انىقتامالاردى بەرۋ فاكتٸسٸن انىقتادى.
قابىلدانعان شارالار نەتيجەسٸندە «Covid-19»-عا پتر تەرٸس نەتيجەسٸ كٶرسەتٸلگەن انىقتامانى بەرۋ ٷشٸن 25 000 تەڭگە كٶلەمٸندە اقشالاي سىياقى الۋ كەزٸندە 1984 جىلى تۋعان مەديتسينا قىزمەتكەرٸ ۇستالدى.
«جاۋاپ الۋ بارىسىندا الماتى وبلىسىنىڭ تۇرعىنى ماۋسىم ايىنان باستاپ قازٸرگٸ ۋاقىتقا دەيٸن 12-گە جۋىق وسىنداي انىقتاما ۇسىنعانىن حابارلادى. قازٸرگٸ ۋاقىتتا اتالعان فاكتٸ بويىنشا سوتقا دەيٸنگٸ تەرگەۋ ٸسٸ قوزعالدى», - دەپ حابارلادى قر قارجى مينيسترلٸگٸ قارجى مونيتورينگٸ كوميتەتٸنٸڭ باسپاسٶز قىزمەتٸ.
