Almaty oblysynda er adamnyń HQKO-da qaitys bolýynyń mán-jaiy belgili boldy, - dep habarlaidy "Ult aqparat" kaz.tengrinews.kz portalyna silteme jasap.
59 jastaǵy er adam III toptaǵy múgedek ekeni belgili boldy. Ol ulymen Buryndai aýylynan tańǵy ýaqytta HQKO-ǵa kelgen eken. Ol sol jerde 2008 jyldan beri turyp kelgen. Almaty oblysynyń Densaýlyq saqtaý basqarmasynyń málimeti boiynsha, oǵan aiaǵynyń joqtyǵyna bailanysty múgedektik berilgen. Er adam protezdiń kómegimen qozǵalǵan.
Densaýlyq saqtaý basqarmasynyń málimet boiynsha, oqiaǵadan buryn er adam ózin nashar sezingen. Qariiany uly taza aýa jutý úshin dalaǵa ertip shyqqan jáne birden jedel járdem shaqyrtqan.
Osyǵan deiin, Almaty oblysynda HQKO-ǵa ýaqytsha tirkeýge kelgen er adamnyń qaitys bolǵany habarlanǵan. Politseilerdiń málimetinshe, oqiǵa Ile aýdanyndaǵy Ótegen Batyr aýylynda, saǵat 15.00 shamalarynda bolǵan. Er adamnyń kóshede turǵan kóligine otyrǵannan keiin qaitys bolǵany aityldy.
Qazirgi ýaqytta politseiler ólim deregi boiynsha tekseris júrgizip jatyr.
