Almaty oblysynda "Qazpochtanyń" burynǵy qyzmetkeri million teńge jymqyrǵany úshin sottaldy, - dep habarlaidy kaz.tengrinews.kz Almaty oblysy Alakól aýdandyq prokýratýrasyna silteme jasap.
"Almaty oblysy Alakól aýdanynyń prokýratýrasymen M. esimdi azamatshanyń aryzyn qaraý barysynda "Kazpochta" AQ AOF-nyń Alakól aýdandyq pochta bailanysy torabynyń, Qabanbai aýylynyń pochta bailanysy bólimshesiniń burynǵy operatory K. esimdi azamatsha, óziniń qyzmet babyn paidalana otyryp, M. esimdi azamtshanyń esep-shotynan jalpy somasy 1 000 000 teńge aqshany jymqyrǵany anyqtaldy", - delingen habarlamada.
Biyl 2 naýryzda aýdan prokýratýrasy osy derek boiynsha sotqa deiingi tergep-tekserý amaldaryn bastap, onyń nátijesi boiynsha, K. esimdi azamatshaǵa qatysty qylmystyq is QR Qylmystyq kodeksiniń 189-babynyń 2-bóliginiń 3-tarmaǵymen ("Senip tapsyrylǵan bóten múlikti iemdenip alý nemese talan-tarajǵa salý") sotqa joldanǵan.
7 sáýirde Alakól aýdanynyń №2 sotynyń úkimimen joǵaryda kórsetilgen bappen K. esimdi azamatsha kináli dep tanylyp, múlki tárkilenip, materialdyq jaýapty laýazymyn atqarý quqyǵynan eki jyl merzimge aiyrylyp, eki jyl merzimge bas bostandyǵy shektelip, sottaldy. QR raqymshylyq týraly Zańyna bailanysty ol negizgi jazadan bosatyldy.
Sottyń úkimi zańdy kúshine engen joq, keltirilgen materialdyq shyǵyn talap-aryz nezizinde "Kazpochta" AQ AOF-na óndirildi.
