الماتى وبلىسىندا "قازپوچتانىڭ" بۇرىنعى قىزمەتكەرٸ ميلليون تەڭگە جىمقىرعانى ٷشٸن سوتتالدى, - دەپ حابارلايدى kaz.tengrinews.kz الماتى وبلىسى الاكٶل اۋداندىق پروكۋراتۋراسىنا سٸلتەمە جاساپ.
"الماتى وبلىسى الاكٶل اۋدانىنىڭ پروكۋراتۋراسىمەن م. ەسٸمدٸ ازاماتشانىڭ ارىزىن قاراۋ بارىسىندا "كازپوچتا" اق اوف-نىڭ الاكٶل اۋداندىق پوچتا بايلانىسى تورابىنىڭ, قابانباي اۋىلىنىڭ پوچتا بايلانىسى بٶلٸمشەسٸنٸڭ بۇرىنعى وپەراتورى ك. ەسٸمدٸ ازاماتشا, ٶزٸنٸڭ قىزمەت بابىن پايدالانا وتىرىپ, م. ەسٸمدٸ ازامتشانىڭ ەسەپ-شوتىنان جالپى سوماسى 1 000 000 تەڭگە اقشانى جىمقىرعانى انىقتالدى", - دەلٸنگەن حابارلامادا.
بيىل 2 ناۋرىزدا اۋدان پروكۋراتۋراسى وسى دەرەك بويىنشا سوتقا دەيٸنگٸ تەرگەپ-تەكسەرۋ امالدارىن باستاپ, ونىڭ نەتيجەسٸ بويىنشا, ك. ەسٸمدٸ ازاماتشاعا قاتىستى قىلمىستىق ٸس قر قىلمىستىق كودەكسٸنٸڭ 189-بابىنىڭ 2-بٶلٸگٸنٸڭ 3-تارماعىمەن ("سەنiپ تاپسىرىلعان بٶتەن مٷلiكتi يەمدەنiپ الۋ نەمەسە تالان-تاراجعا سالۋ") سوتقا جولدانعان.
7 سەۋٸردە الاكٶل اۋدانىنىڭ №2 سوتىنىڭ ٷكٸمٸمەن جوعارىدا كٶرسەتٸلگەن باپپەن ك. ەسٸمدٸ ازاماتشا كٸنەلٸ دەپ تانىلىپ, مٷلكٸ تەركٸلەنٸپ, ماتەريالدىق جاۋاپتى لاۋازىمىن اتقارۋ قۇقىعىنان ەكٸ جىل مەرزiمگە ايىرىلىپ, ەكٸ جىل مەرزٸمگە باس بوستاندىعى شەكتەلٸپ, سوتتالدى. قر راقىمشىلىق تۋرالى زاڭىنا بايلانىستى ول نەگٸزگٸ جازادان بوساتىلدى.
سوتتىڭ ٷكٸمٸ زاڭدى كٷشٸنە ەنگەن جوق, كەلتٸرٸلگەن ماتەريالدىق شىعىن تالاپ-ارىز نەزٸزٸندە "كازپوچتا" اق اوف-نا ٶندٸرٸلدٸ.
