Foto: © Sputnik / Abzal Kaliev
Almaty oblysynda eki mektepti jóndeý barysynda asa iri mólsherde múlikti jymqyrý mán-jaiy boiynsha tergeý aiaqtaldy, - dep habarlaidy "Ult aqparat" Qarjylyq monitoring agenttigine silteme jasap.
2020 jyldyń mamyrynda Almaty oblysy Kerbulaq aýdanynyń bilim bólimi men "PMK-7K" JShS arasynda jalpy somasy 855 million teńge bolǵan "Sarybastaý" jáne "Qaraǵash" aýyldaryndaǵy eki mekteptiń kúrdeli jóndeýin ótkizýge shart jasalǵan.
"Qurylys jumystary kezinde qurylys kompaniiasynyń basshysy jobalaý-smetalyq qujattamada kózdelgen jumystardyń bóligin oryndamaý, oryndalǵan jumystardyń aktilerin jalǵan jasaý arqyly asa iri mólsherde aqsha qarajatyn jymqyrǵan.
Onyń qylmystyq áreketteri nátijesinde JShS-tiń esep aiyrysý shotyna 57,5 million teńge somasynda aqsha qarajaty zańsyz aýdaryldy", - delingen habarlamada.
QMA málimetinshe, tergeý nátijesinde oǵan qatysty qylmystyq is sotqa joldanyp, aiyptaý úkimi shyqty. Sonymen qatar, sottalýshymen memleketke keltirilgen 57,5 million teńge somasyndaǵy zalal tolyǵymen ótelgen.
