Almaty oblysynyń politseileri qaraqshylyq shabýyldyń barlyq qatysýshysyn ustady, - dep habarlaidy "Ult aqparat" IIM baspasóz qyzmetine silteme jasap.
"8 qazanda Jambyl aýdany PB-ǵa úsh adamnan turatyn belgisiz qarýly adamdardyń Qasymbek aýylyndaǵy úilerdiń birinen 40 million teńge kólemindegi qarajat, altyn áshekei jáne ózge de baǵaly zattary bar seifti urlap, qaraqshylyq shabýyl jasaǵany týraly aqparat kelip tústi", - delingen vedomstvo málimetinde.
Almaty oblysy PD bastyǵynyń nusqaýy boiynsha arnaiy jedel tergeý toby qurylyp, olar úsh kúdiktini qysqa merzim ishinde ustaǵan.
"Derek QR QK-niń 192-baby 3-bóliginiń 4-tarmaǵy “Qaraqshylyq” boiynsha tirkeldi. Qazir qylmysty tergeýde onyń tolyqtyǵyn, jan-jaqtylyǵyn jáne obektivtiligin qamtamasyz etý maqsatyndaǵy barlyq qajetti tergeý is-sharalary júrgizilip jatyr", - dedi Almaty oblystyq PD bastyǵy Baýyrjan Álenov.
Isti tergeý barysy oblystyq politsiia bastyǵynyń jeke baqylaýyna alyndy.
