Almaty oblysynda 27 kólik qar saldarynan Kegen asýynda turyp qaldy, dep habarlaidy "Ult aqparat".
«Saǵat 16.40-ta Almaty oblysynyń Tótenshe jaǵdailar departamentine Kegen aýdanynda, «Kegen-Aqsai» oblystyq mańyzdaǵy avtojoldyń 15-shaqyrymyndaǵy Kegen asýynda qardyń mol jaýýynan kólikter jinalyp qalǵany habarlandy», - dedi oblystyq Tótenshe jaǵdailar departamentinen.
Oqiǵa ornyna jetken kezde biiktigi 7-8 sm qar saldarynan jazǵy shinamen júrgen avtokólikter biiktikke shyǵa almai jatqany anyqtalǵan. Jalpy, asýda 27 kólik, onyń ishinde 6 júk kóligi turyp qalǵan.
«TJD qyzmetkerleri Kegen aýylyna 4 adamdy evakýatsiialady – aýrýhanaǵa bara jatqan er adamdy jáne eki balasy bar áieldi. «Qazavtojol» JShS qyzmetkerleri avtojoldy tazartý jáne inertti materialdy shashý boiynsha jumystar júrgizdi. Qar toqtady, avtokólikter qalypty rejimde qozǵalýda. Zardap shekkender men qaza bolǵandar joq», - dedi vedomstvodan.
