Foto: astanazan.kz
Almaty oblysynda esirtki taratýǵa kúdikti úsh jas jigitke qatysty rezonansty oqiǵa boiynsha politsiia tergeý júrgizip jatyr, dep habarlaidy Ult.kz.
Áleýmettik jelilerde taraǵan videoda belgisiz adamdar úsh kúdiktini bir-birine qorlaityn áreketter jasaýǵa májbúrlegeni kórsetilgen. Bul jaǵdai qoǵamda úlken talqylaý týǵyzyp, quqyq qorǵaý organdarynyń nazaryn aýdardy.
Jazba alǵashynda Almatyda bolǵan dep kórsetilgenimen, keiingi tekseris barysynda oqiǵa Almaty oblysynyń Qarasai aýdanynda bolǵany anyqtaldy. Materialdar aýmaqtyq tiistiligi boiynsha jergilikti politsiiaǵa joldandy.
Almaty qalalyq politsiia departamenti videodaǵy azamattardyń jeke basyn anyqtap, olardy politsiia bólimine jetkizip, túsinikteme alǵanyn habarlady.
Qazirgi tańda oqiǵaǵa bailanysty qylmystyq is qozǵalǵan-qozǵalmaǵany jóninde resmi aqparat naqtylanbaǵan. Tergeý jalǵasyp jatyr.
Politsiia ókilderi esirtki ainalymyna qatysýdyń aýyr quqyqtyq jáne qaýip-qater saldaryn taǵy da eske salyp, mundai áreketterdiń qylmystyq jaýapkershilikke ákeletinin atap ótti.
