Búgin Astana qalasynyń «Qazanat» ippodromynda Qazaqstan Respýblikasynyń Prezidenti N.Á.Nazarbaevtyń júldesine báige túrlerinen «EKSPO Kýbogy» ótti, dep habarlaidy"Ult aqparat" oblys ákiminiń baspasóz qyzmetine silteme jasap.
Jarysqa elimizdiń 14 oblysy men Almaty, Astana qalalarynan, Resei, Qyrǵyzstan, Tájikstan, Túrkiia jáne basqa da shet memleketterden jalpy sany 150 at qatysty.
Tulparlar jarysy qunan báige, top báige, jorǵa jarys, ushqyr attar jarysy, alaman báige túrlerinen ótti. Ushqyr attar jarysynyń júlde qory 63,6 mln. teńgeni, báige túrleri boiynsha 36 mln. teńge qurady. Jarystyń qorytyndysynda qunan báigede Almaty oblysynyń «Doran» atty júirigi ozyp shyqsa, top báigede de jetisýlyq «Súlikqarasy» máre syzyǵyn birinshi bolyp kesti, aqmolalyq M. Mustafaevtyń «Elvýtzet» tulpary jorǵa jarysta ózgelerden oq boiy ozyq shyqty. 25 shaqyrymdyq alaman báigeniń birinshi júldesin Atyraý oblysynan kelgen D. Myrzahanovtyń «Jelqanat» atty júirigi ielenip, 10 mln. teńge aqshalai syilyqqa ie boldy. Jalpy jarystyń barlyq túrleriniń árqaisysynan bes orynǵa báige berilip, jeńimpazdardyń barlyǵyna aqshalai júldeler usynyldy.
Sonymen qatar jarys arasyndar teńge ilý, jamby atý, qyz qýý, tazy itter jarysy siiaqty sport túrlerinen oiyndar kórsetildi.
Jalpy, sharanyń uiymdastyrýshylary qatarynda Almaty oblysynyń ákimdigi de bar ekenin atap ótý kerek.
