Almaty oblysynda oqýshy qyzdy eki áiel uryp ketti. Taiaq jegen jábirlenýshi qazir aýrýhanada jatyr, dep habarlaidy "Ult aqparat".
Almaty oblystyq politsiia departamentiniń baspasóz qyzmeti oqiǵany rastady. Al kúdiktilerdi tártip saqshylary izdestirip jatyr.
Oqiǵa Ile aýdanynyń Boraldai aýylynda bolǵan.
13 mamyr kúni saǵat 18:35 shamasynda aialdamada eki áiel kámelet jasyna tolmaǵan qyzdy uryp, sodan keiin taksige minip qashyp ketken.
Aldyn ala boljam boiynsha taraptar arasynda kikiljiń bolýy múmkin.
«Qazir 16 jastaǵy qyz Almaty qalasyndaǵy №1 balalar aýrýhanasyna jetkizildi. Bul fakti Ile aýdanynyń politsiiasynda tirkeldi. Qazir kúdiktilerdi jedel izdestirý jumysy júrgizilip jatyr» delingen vedomstvonyń habarlamasynda.
