Almaty oblysynyń tabiǵat qorǵaý politsiiasy 3 kún ishinde 50-den astam quqyq buzýshylyqty áshkereledi, - dep habarlaidy "Ult aqparat".
Almaty oblysynyń aýmaǵynda ótip jatqan «Brakoner» jedel aldyn alý is-sharasy barysynda tabiǵat qorǵaý politseileri 52 quqyq buzýshylyqty anyqtady. Is-sharanyń basty maqsaty – tabiǵat qorǵaý zańnamasy talaptarynyń buzylýyna jol bermeý jáne onyń aldyn alý.
«3 kún ishinde zańsyz ańshylyq jasaýdyń 28 deregi, zańsyz balyq aýlaýdyń 11 deregi, sondai-aq, aǵashtardy zańsyz kesýdiń 12 deregi tirkeldi. Atalǵan derekter boiynsha QR Ákimshilik quqyqbuzýshylyq týraly kodekske sáikes hattamalar toltyrylyp, aiyppul salyndy. Qarasai aýdanynda aǵashtardy zańsyz otaǵan bir turǵynǵa qatysty sotqa deiingi tergeý amaldary bastaldy», - dedi oblystyq PD JPQB tabiǵat qorǵaý tobynyń inspektory politsiia kapitany Baǵlan Rymjanov.
Óz kezeginde, politseiler tabiǵat qorǵaý zańnamasynyń talaptaryn qatań saqtaýǵa jáne tabiǵatqa janashyrlyq tanytýǵa shaqyrady. Saiatshylyq qurýǵa niet etken turǵyndar qoldanystaǵy zańǵa sáikes tiisti qujattar men ruqsattardy alý jáne qarýdy saqtaý jáne tasymaldaý tártibin eskerýleri qajet.
16 qańtar kúni bastalǵan tabiǵat qorǵaý sharasy aidyń sońyna deiin jalǵasady.
