الماتى وبلىسىنىڭ تابيعات قورعاۋ پوليتسيياسى 3 كٷن ٸشٸندە 50-دەن استام قۇقىق بۇزۋشىلىقتى ەشكەرەلەدٸ, - دەپ حابارلايدى "ۇلت اقپارات".
الماتى وبلىسىنىڭ اۋماعىندا ٶتٸپ جاتقان «براكونەر» جەدەل الدىن الۋ ٸس-شاراسى بارىسىندا تابيعات قورعاۋ پوليتسەيلەرٸ 52 قۇقىق بۇزۋشىلىقتى انىقتادى. ٸس-شارانىڭ باستى ماقساتى – تابيعات قورعاۋ زاڭناماسى تالاپتارىنىڭ بۇزىلۋىنا جول بەرمەۋ جەنە ونىڭ الدىن الۋ.
«3 كٷن ٸشٸندە زاڭسىز اڭشىلىق جاساۋدىڭ 28 دەرەگٸ, زاڭسىز بالىق اۋلاۋدىڭ 11 دەرەگٸ, سونداي-اق, اعاشتاردى زاڭسىز كەسۋدٸڭ 12 دەرەگٸ تٸركەلدٸ. اتالعان دەرەكتەر بويىنشا قر ەكٸمشٸلٸك قۇقىقبۇزۋشىلىق تۋرالى كودەكسكە سەيكەس حاتتامالار تولتىرىلىپ, ايىپپۇل سالىندى. قاراساي اۋدانىندا اعاشتاردى زاڭسىز وتاعان بٸر تۇرعىنعا قاتىستى سوتقا دەيٸنگٸ تەرگەۋ امالدارى باستالدى», - دەدٸ وبلىستىق پد جپقب تابيعات قورعاۋ توبىنىڭ ينسپەكتورى پوليتسييا كاپيتانى باعلان رىمجانوۆ.
ٶز كەزەگٸندە, پوليتسەيلەر تابيعات قورعاۋ زاڭناماسىنىڭ تالاپتارىن قاتاڭ ساقتاۋعا جەنە تابيعاتقا جاناشىرلىق تانىتۋعا شاقىرادى. ساياتشىلىق قۇرۋعا نيەت ەتكەن تۇرعىندار قولدانىستاعى زاڭعا سەيكەس تيٸستٸ قۇجاتتار مەن رۇقساتتاردى الۋ جەنە قارۋدى ساقتاۋ جەنە تاسىمالداۋ تەرتٸبٸن ەسكەرۋلەرٸ قاجەت.
16 قاڭتار كٷنٸ باستالعان تابيعات قورعاۋ شاراسى ايدىڭ سوڭىنا دەيٸن جالعاسادى.
