Almaty oblysy ákimi Amandyq Batalov Jambyl aýdany Uzynaǵash aýylyndaǵy jańadan salynǵan 1200 oryndyq mekteptiń "Bilim kiltin" saltanatty tabystaý rásimine qatysty, dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Óziniń quttyqtaý sózinde óńir basshysy Elbasy Nursultan Ábishuly Nazarbaevtyń saliqaly saiasatynyń arqasynda jáne memlekettik baǵdarlamalardy tiimdi júzege asyrýdyń nátijesinde biylǵy jyldyń ózinde oblysta 49 000 búldirshinniń 1 synypqa barǵaly otyrǵandyǵyn qýana habarlady. Oblys ákimi oqýshylardyń sabaqtaryn jaqsy oqyp, ustazdarynan ómirlik tálim-tárbie alyp, bilim nárimen sýsyndap, elimizdiń bolashaǵyna súbeli úlesin qosar sanaly azamat bolyp ósetindikterine senim bildiretindigin jetkizdi.
Osydan keiin jańa ǵimarattyń lentasy saltanatty túrde qiylyp, oblys ákimi bastaǵan bir top qonaqtar mekteptiń ishki qurylymymen tanysyp, qurylys sapasyn tekserip shyqty.
Esterińizge salar bolsaq, mektep qurylysyn "Rigolit" JShS júrgizdi. Qurylys jumystary 2016 jyldyń tamyzynda bastalyp, 2017 jyldyń tamyzynda tolyǵymen aiaqtaldy. Ǵimaratta barlyq materialdyq-tehnikalyq bazamen qamtylǵan 60 oqý kabineti, sonyń ishinde arnaiy qural-jabdyqtarmen jabdyqtalǵan 2 himiia, 2 fizika, 2 biologiia, 2 LMK, 4 informatika kabinetteri bar. Sonymen qatar 2 kitaphana, 2 tehnologiia kabineti, 2 sport zaly men 230 oryndyq ashanasy da bar.
Búgingi kúni oqýshylar sany - 850. Oqýshylar 100 % oqýlyqtarmen qamtamasyz etilgen.
