الماتى وبلىسى ەكٸمٸ اماندىق باتالوۆ جامبىل اۋدانى ۇزىناعاش اۋىلىنداعى جاڭادان سالىنعان 1200 ورىندىق مەكتەپتٸڭ "بٸلٸم كٸلتٸن" سالتاناتتى تابىستاۋ رەسٸمٸنە قاتىستى, دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ٶزٸنٸڭ قۇتتىقتاۋ سٶزٸندە ٶڭٸر باسشىسى ەلباسى نۇرسۇلتان ەبٸشۇلى نازارباەۆتىڭ ساليقالى ساياساتىنىڭ ارقاسىندا جەنە مەملەكەتتٸك باعدارلامالاردى تيٸمدٸ جٷزەگە اسىرۋدىڭ نەتيجەسٸندە بيىلعى جىلدىڭ ٶزٸندە وبلىستا 49 000 بٷلدٸرشٸننٸڭ 1 سىنىپقا بارعالى وتىرعاندىعىن قۋانا حابارلادى. وبلىس ەكٸمٸ وقۋشىلاردىڭ ساباقتارىن جاقسى وقىپ, ۇستازدارىنان ٶمٸرلٸك تەلٸم-تەربيە الىپ, بٸلٸم نەرٸمەن سۋسىنداپ, ەلٸمٸزدٸڭ بولاشاعىنا سٷبەلٸ ٷلەسٸن قوسار سانالى ازامات بولىپ ٶسەتٸندٸكتەرٸنە سەنٸم بٸلدٸرەتٸندٸگٸن جەتكٸزدٸ.
وسىدان كەيٸن جاڭا عيماراتتىڭ لەنتاسى سالتاناتتى تٷردە قيىلىپ, وبلىس ەكٸمٸ باستاعان بٸر توپ قوناقتار مەكتەپتٸڭ ٸشكٸ قۇرىلىمىمەن تانىسىپ, قۇرىلىس ساپاسىن تەكسەرٸپ شىقتى.
ەستەرٸڭٸزگە سالار بولساق, مەكتەپ قۇرىلىسىن "ريگوليت" جشس جٷرگٸزدٸ. قۇرىلىس جۇمىستارى 2016 جىلدىڭ تامىزىندا باستالىپ, 2017 جىلدىڭ تامىزىندا تولىعىمەن اياقتالدى. عيماراتتا بارلىق ماتەريالدىق-تەحنيكالىق بازامەن قامتىلعان 60 وقۋ كابينەتٸ, سونىڭ ٸشٸندە ارنايى قۇرال-جابدىقتارمەن جابدىقتالعان 2 حيمييا, 2 فيزيكا, 2 بيولوگييا, 2 لمك, 4 ينفورماتيكا كابينەتتەرٸ بار. سونىمەن قاتار 2 كٸتاپحانا, 2 تەحنولوگييا كابينەتٸ, 2 سپورت زالى مەن 230 ورىندىق اسحاناسى دا بار.
بٷگٸنگٸ كٷنٸ وقۋشىلار سانى - 850. وقۋشىلار 100 % وقۋلىقتارمەن قامتاماسىز ەتٸلگەن.
