Almaty oblysynda bazar órtendi, - dep habarlaidy Tengrinews.kz.
Almaty oblysynyń Tótenshe jaǵdailar departamenti 7 sáýirde túngi saǵat 2:00-de Talǵar qalasy Áiteke bi kóshesiniń boiyndaǵy bazar aýmaǵyndaǵy saýda oryndarynda (konteiner túri) órt shyqqanyn habarlady. Shaqyrý ornyna joǵary dárejeli órt sóndirý bólimderi jiberilgen.
Saǵat 03:51-de órt oqshaýlanyp, 05:00-de tolyǵymen joiylǵan. Órt aýmaǵy 900 sharshy metrdi qurady. Órt sóndirý qyzmeti qyzmetkerleriniń jedel áreketiniń arqasynda órt bazardyń barlyq aýmaǵyna (bazardyń jalpy aýdany 8 myń sharshy metrden astam) taralmady.
Órttiń shyǵý sebebi anyqtalyp jatyr. Órtti sóndirýge Almaty oblysy Tótenshe jaǵdailar departamentiniń 25 qyzmetkeri jáne Almaty qalasy Tótenshe jaǵdailar departamentiniń alty qyzmetkeri 27 birlik tehnikamen jumyldyryldy.
