Almaty oblysynda jasóspirimderdi vaktsinalaý boiynsha qandai da bir daiyndyq júrgizile me? Ortalyq kommýnikatsiialar qyzmetinde ótip jatqan brifingide Almaty oblysy ákiminiń orynbasary Batyrjan Baijumanovqa BAQ ókilderi osyndai suraq qoidy, dep habarlaidy QazAqparat.
«Balalardy vaktsinatsiia máselesi áli sheshilgen joq. Biz ata-analardan balasy týraly eshqandai derek jinap jatqan joqpyz. Qyzylorda oblysynda balalardyń derekterin jinap jatqany týraly aqparat tarady. Bul feik boldy dep oilaimyn. Qalai bolǵanda da, bul málimet rastalǵan joq. Eger ondai jumys júrgizilgen bolsa, búkil eldi qamtýy kerek. Dál búgin balalardy vaktsinalaý máselesi týyndap turǵan joq», - dedi Batyrjan Baijumanov.
Sharada Almaty oblysynda kún saiyn 200-ge jýyq naýqastyń koronavirýspen aýrýhanaǵa túsip jatqany aityldy.
«Sońǵy eki aptada oblysta koronavirýspen aýyrǵandardyń ósý qarqyny 0,9 paiyzdan 0,6 paiyzǵa tómendedi. Óńir «qyzyl» aimaqta. Sońǵy táýlikte indet juqtyrýdyń 218 jaǵdaiy anyqtaldy. Onyń ishinde 35 bala bar. Aýrýhanalarǵa koronavirýs infektsiiasymen kúndelikti 200-ge jýyq adam túsýde», - dedi ákimdik ókili.
