الماتى وبلىسىندا جاسٶسپٸرٸمدەردٸ ۆاكتسينالاۋ بويىنشا قانداي دا بٸر دايىندىق جٷرگٸزٸلە مە? ورتالىق كوممۋنيكاتسييالار قىزمەتٸندە ٶتٸپ جاتقان بريفينگٸدە الماتى وبلىسى ەكٸمٸنٸڭ ورىنباسارى باتىرجان بايجۇمانوۆقا باق ٶكٸلدەرٸ وسىنداي سۇراق قويدى, دەپ حابارلايدى قازاقپارات.
«بالالاردى ۆاكتسيناتسييا مەسەلەسٸ ەلٸ شەشٸلگەن جوق. بٸز اتا-انالاردان بالاسى تۋرالى ەشقانداي دەرەك جيناپ جاتقان جوقپىز. قىزىلوردا وبلىسىندا بالالاردىڭ دەرەكتەرٸن جيناپ جاتقانى تۋرالى اقپارات تارادى. بۇل فەيك بولدى دەپ ويلايمىن. قالاي بولعاندا دا, بۇل مەلٸمەت راستالعان جوق. ەگەر ونداي جۇمىس جٷرگٸزٸلگەن بولسا, بٷكٸل ەلدٸ قامتۋى كەرەك. دەل بٷگٸن بالالاردى ۆاكتسينالاۋ مەسەلەسٸ تۋىنداپ تۇرعان جوق», - دەدٸ باتىرجان بايجۇمانوۆ.
شارادا الماتى وبلىسىندا كٷن سايىن 200-گە جۋىق ناۋقاستىڭ كوروناۆيرۋسپەن اۋرۋحاناعا تٷسٸپ جاتقانى ايتىلدى.
«سوڭعى ەكٸ اپتادا وبلىستا كوروناۆيرۋسپەن اۋىرعانداردىڭ ٶسۋ قارقىنى 0,9 پايىزدان 0,6 پايىزعا تٶمەندەدٸ. ٶڭٸر «قىزىل» ايماقتا. سوڭعى تەۋلٸكتە ٸندەت جۇقتىرۋدىڭ 218 جاعدايى انىقتالدى. ونىڭ ٸشٸندە 35 بالا بار. اۋرۋحانالارعا كوروناۆيرۋس ينفەكتسيياسىمەن كٷندەلٸكتٸ 200-گە جۋىق ادام تٷسۋدە», - دەدٸ ەكٸمدٸك ٶكٸلٸ.
