Almaty oblysynda Aqsý aýdanynyń politsiia basshysy daýly videodan soń jumystan ketti, dep habarlaidy "Ult aqparat".
Osy oqiǵaǵa bailanysty Almaty oblysy Politsiia departamentiniń basshysy Serik Kúdebaev túsinikteme berdi.
«4 mamyrda áleýmettik jelide sol kezde Aqsý aýdanynyń politsiia bólimi bastyǵynyń mindetin atqarǵan ishki ister organdary qyzmetkeriniń ádepsiz minez-qulqynyń videosy jariialandy. Atalǵan qyzmetker jeke qurammen jumys jasaýda óreskel keshirilmeitin qatelik jibergenin moiyndap, ony qyzmetinen bosatý týraly baianat jazdy.
Degenmen, osy derek negizinde meniń tapsyrmam boiynsha, Almaty oblysy PD Ózindik qaýipsizdik basqarmasy qyzmettik tergeý júrgizýde, onyń nátijesi boiynsha bolǵan oqiǵaǵa obektivti baǵa beriledi», - dedi Kúdebaev.
