Búgingi kúni Almaty oblysy boiynsha jobany paidalana otyryp, 4760 nysan óz qyzmetin júzege asyrýda, - dep habarlaidy "Ult aqparat".
Almaty oblystyq sanitariialyq-epidemiologiialyq baqylaý departamentiniń baspasóz qyzmeti taratqan habarlamaǵa sáikes, «Ashyq» jobasy engizilgeli beri monitoringtik toptar baǵdarlamany paidalana otyryp, qyzmetin júzege asyratyn 2607 obektini tekserdi. Sonyń ishinde jumys algoritmin buzǵan 438 nysan anyqtaldy.
QR-kodty skanerleý kezinde oblys boiynsha «qyzyl» jáne «sary» mártebesi bar 794 kelýshi anyqtaldy, onyń ishinde «qyzyl» mártebesi 389, «sary» mártebesi 413 kelýshiden anyqtaldy. Eńbekshiqazaq, Alakól, Jambyl, Ile, Kerbulaq aýdandarynda, Qapshaǵai jáne Taldyqorǵan qalalarynda 700 080 teńge somasyna 16 ákimshilik jaza qoldanyldy.
Pandemiia kezinde biznes sýbektileriniń jumysyna jeńildikter berý maqsatynda 2021 jyldyń 14 sáýirinen bastap Almaty oblysynyń aýmaǵynda «Ashyq» pilottyq jobasy iske qosyldy.
