Almaty oblysynyń bilim mekemelerinde 120 astam muǵalim jalǵan diplommen qyzmet atqarǵan, dep habarlaidy "Ult aqparat" oblys prokýratýrasynyń baspasóz qyzmetine silteme jasap.
"Almaty oblysy prokýratýrasy organdarymen óńirdegi qala, aýdan bilim berý mekemelerinde qyzmet atqarý men sapaly bilim usynýlaryna qatysty taldaý jumystary júrgizildi. Nátijesinde Sarqan, Qarasai, Kóksý, Eskeldi aýdandary men Tekeli qalasynyń orta mektepterinde 122 muǵalim joǵary oqý oryndarynyń jalǵan diplomyn paidalaný arqyly jumys atqarǵandary anyqtaldy" - delingen habarlamada.
Jalǵan qujattar Abai atyndaǵy Qazaq ulttyq pedagogikalyq ýniversitetiniń atyn paidalaný arqyly jasalǵan.
"Kórineý jalǵan qujatty paidalaný derekteri boiynsha QR Qylmystyq kodeksiniń 385-baby 3-bóligimen sotqa deiingi tergep-tekserý amaldary júrgizilip jatyr.
Qazirgi ýaqytta, qylmystyq qýdalaý organymen 41 mamanǵa qatysty qylmystyq ister kinálaryn moiyndaýlaryna bailanysty jáne «Qazaqstan Respýblikasy Táýelsizdiginiń otyz jyldyǵyna bailanysty raqymshylyq jasaý týraly» Zańyna orai aqtalmaityn negizder boiynsha óndiristen toqtatyldy jáne olar qyzmetten bosatyldy" - deidi vedomstvonyń baspasóz qyzmeti.
81 mamanǵa qatysty qylmystyq ister tergelý ústinde.
