Almaty oblysy ákimi A. Batalov Astanada ótip jatqan Ekspo-2017 kórmesindegi Resei pavilonynda ótken Tatarstan ekspozitsiiasynyń saltanatty tanystyrylymy sheńberinde Tatarstan Respýblikasynyń Prezidenti Rýstam Minnihanovpen kezdesti, dep habarlaidy"Ult aqparat" oblys ákiminiń baspasóz qyzmetine silteme jasap.
Bul kezdesý Tatarstan Respýblikasy Úkimetimen ekonomikalyq, iskerlik jáne mádeni bailanystar ornatýdy jalǵastyrý maqsatynda ótkizildi. Kezdesý barysynda «Qorǵas – Shyǵys qaqpasy» erkin ekonomikalyq aimaǵynda júzege asyrylyp jatqan jobalarǵa qatysty yntymaqtastyq bailanystar týraly sóz boldy. Sonymen qatar tájiribe almasý úshin qos tarap bir-birine shaqyrý usynysyn bildirdi.
Atap ótsek, eki jaqty yntymaqtastyqtyń dáleli retinde buǵan deiin biylǵy jyldyń naýryz aiynyń sońynda Tatarstan Respýblikasy delegatsiiasynyń oblysqa sapary barysynda Almaty oblysynyń Panfilov aýdany men Tatarstan Respýblikasynyń Mendeleev mýnitsipaldy aýdanynyń arasynda ózara yntymaqtastyq týraly memorandýmǵa qol qoiylǵan bolatyn.
