5 qańtardaǵy miting kezinde Almaty oblysy ákiminiń orynbasary Lázzat Turlashov jaraqat aldy. Qazir 61 jastaǵy sheneýnik aýrýhanada jatyr. Bul týraly ákimniń keńesshisi Ǵalymurat Júkel aitty, - dep habarlaidy Tengrinews.kz tilshisi.
5 qańtarda Almaty oblysy ákiminiń orynbasary Lázzat Turlashov narazylyq bildirýshiler saýalyna jaýap berý úshin alańǵa shyqqan, biraq sheneýnikti eshkim tyńdamaǵan.
"Qazaqta "basý aitý" degen sózi bar, ol jastardy tynyshtandyrý úshin shyqty. Biraq ol jerde, kórgenimizdei, óz úndeýin aitatyn top emes, bilik pen konstitýtsiialyq qurylysty qulatýǵa bel býǵan top boldy. Olar ony tyńdamai, uryp-soǵa bastady. Ony arashalap qaldyq, qazir jaǵdaiy jaqsy", - dedi Ǵalymurat Júkel.
Lázzat Mahatuly aýrýhanada jatyr. Onyń jaǵdaiy turaqty dep baǵalanǵan.
"Ol qandai jaraqat alǵanyn aita almaimyn, biraq aman-esen. Ol aýrýhanada qaitys boldy degen aqparat - jalǵan. Men onymen keshe sóilestim", - dep qosty Júkel.
Lázzat Turlashov 2016 jyldan beri Almaty oblysy ákiminiń birinshi orynbasary. Ár jyldary Almaty oblysynyń Jambyl, Qarasai aýdandarynyń ákimi bolǵan. 1984 jyly Chernobyl atom elektr stantsiiasyndaǵy jarylys saldaryn joiýǵa qatysqan.
4 qańtarda Almaty oblysynyń ákimi Qanat Bozymbaev sherýshilerge shyqqan. Onyń keńesshisiniń aitýynsha, ol narazylyq bildirýshilerden kelissóz júrgize alatyn 20 adamnan turatyn bastamashy top qurýdy suraǵan, biraq olar bas tartqan. Sondyqtan oblys basshysynyń ózi halyq aldyna shyqqan.
"Ol túsindirip, tyńdai bastady, biraq narazylyq bildirýshilerdiń ózderi biraýyzdan pikir bildire almaǵandyqtan dialog ornamady. Jinalǵan jurt oblys ákimdigine qarai maqsatty túrde bet alǵanda Turlashov ketip qaldy. Kópshilik ony ustap aldy, sol jerde ol jaraqat aldy. Ákimdikke órt qoidy, ǵimarat jartylai órtendi. Alǵashqy úsh qabat órtengen. Qalada birneshe keńsemiz bar, basqa jerge kóshtik", - dep túiindedi sózin ákimniń keńesshisi.
Aita keteiik, qazir Almaty oblysynda kúsh qurylymdarynyń antiterrorlyq operatsiiasy júrip jatyr. 10 qańtardaǵy jaǵdai boiynsha oblysta tártipsizdikterge, pogromdarǵa jáne tonaýǵa qatysty degen kúdikpen 430-dan asa adam politsiiaǵa jetkizilgen. Ustalǵan 20 azamattan 58 atys qarýy tárkilendi. Bul - tapansha, pýlemet, sholaq myltyq jáne t.b.
