5 قاڭتارداعى ميتينگ كەزٸندە الماتى وبلىسى ەكٸمٸنٸڭ ورىنباسارى لەززات تۇرلاشوۆ جاراقات الدى. قازٸر 61 جاستاعى شەنەۋنٸك اۋرۋحانادا جاتىر. بۇل تۋرالى ەكٸمنٸڭ كەڭەسشٸسٸ عالىمۇرات جٷكەل ايتتى, - دەپ حابارلايدى Tengrinews.kz تٸلشٸسٸ.
5 قاڭتاردا الماتى وبلىسى ەكٸمٸنٸڭ ورىنباسارى لەززات تۇرلاشوۆ نارازىلىق بٸلدٸرۋشٸلەر ساۋالىنا جاۋاپ بەرۋ ٷشٸن الاڭعا شىققان, بٸراق شەنەۋنٸكتٸ ەشكٸم تىڭداماعان.
"قازاقتا "باسۋ ايتۋ" دەگەن سٶزٸ بار, ول جاستاردى تىنىشتاندىرۋ ٷشٸن شىقتى. بٸراق ول جەردە, كٶرگەنٸمٸزدەي, ٶز ٷندەۋٸن ايتاتىن توپ ەمەس, بيلٸك پەن كونستيتۋتسييالىق قۇرىلىستى قۇلاتۋعا بەل بۋعان توپ بولدى. ولار ونى تىڭداماي, ۇرىپ-سوعا باستادى. ونى اراشالاپ قالدىق, قازٸر جاعدايى جاقسى", - دەدٸ عالىمۇرات جٷكەل.
لەززات ماحاتۇلى اۋرۋحانادا جاتىر. ونىڭ جاعدايى تۇراقتى دەپ باعالانعان.
"ول قانداي جاراقات العانىن ايتا المايمىن, بٸراق امان-ەسەن. ول اۋرۋحانادا قايتىس بولدى دەگەن اقپارات - جالعان. مەن ونىمەن كەشە سٶيلەستٸم", - دەپ قوستى جٷكەل.
لەززات تۇرلاشوۆ 2016 جىلدان بەرٸ الماتى وبلىسى ەكٸمٸنٸڭ بٸرٸنشٸ ورىنباسارى. ەر جىلدارى الماتى وبلىسىنىڭ جامبىل, قاراساي اۋداندارىنىڭ ەكٸمٸ بولعان. 1984 جىلى چەرنوبىل اتوم ەلەكتر ستانتسيياسىنداعى جارىلىس سالدارىن جويۋعا قاتىسقان.
4 قاڭتاردا الماتى وبلىسىنىڭ ەكٸمٸ قانات بوزىمباەۆ شەرۋشٸلەرگە شىققان. ونىڭ كەڭەسشٸسٸنٸڭ ايتۋىنشا, ول نارازىلىق بٸلدٸرۋشٸلەردەن كەلٸسسٶز جٷرگٸزە الاتىن 20 ادامنان تۇراتىن باستاماشى توپ قۇرۋدى سۇراعان, بٸراق ولار باس تارتقان. سوندىقتان وبلىس باسشىسىنىڭ ٶزٸ حالىق الدىنا شىققان.
"ول تٷسٸندٸرٸپ, تىڭداي باستادى, بٸراق نارازىلىق بٸلدٸرۋشٸلەردٸڭ ٶزدەرٸ بٸراۋىزدان پٸكٸر بٸلدٸرە الماعاندىقتان ديالوگ ورنامادى. جينالعان جۇرت وبلىس ەكٸمدٸگٸنە قاراي ماقساتتى تٷردە بەت العاندا تۇرلاشوۆ كەتٸپ قالدى. كٶپشٸلٸك ونى ۇستاپ الدى, سول جەردە ول جاراقات الدى. ەكٸمدٸككە ٶرت قويدى, عيمارات جارتىلاي ٶرتەندٸ. العاشقى ٷش قابات ٶرتەنگەن. قالادا بٸرنەشە كەڭسەمٸز بار, باسقا جەرگە كٶشتٸك", - دەپ تٷيٸندەدٸ سٶزٸن ەكٸمنٸڭ كەڭەسشٸسٸ.
ايتا كەتەيٸك, قازٸر الماتى وبلىسىندا كٷش قۇرىلىمدارىنىڭ انتيتەررورلىق وپەراتسيياسى جٷرٸپ جاتىر. 10 قاڭتارداعى جاعداي بويىنشا وبلىستا تەرتٸپسٸزدٸكتەرگە, پوگرومدارعا جەنە توناۋعا قاتىستى دەگەن كٷدٸكپەن 430-دان اسا ادام پوليتسيياعا جەتكٸزٸلگەن. ۇستالعان 20 ازاماتتان 58 اتىس قارۋى تەركٸلەندٸ. بۇل - تاپانشا, پۋلەمەت, شولاق مىلتىق جەنە ت.ب.
