Cáýir aiynda ekinshi deńgeili bankter men jekelegen banktik emes aiyrbastaý pýnkterinde jalpy salmaǵy 61,3 kg 3 698 ólshemdik quima satyldy, bul - naýryzdaǵy kórsetkishpen salystyrǵanda 55,3% (4 571 ólshemdik quima nemese 105,9 kg) az, dep habarlaidy Ulttaq banktiń baspasóz qyzmeti.
"Naýryzda satylymnyń ulǵaiýyna qarjy naryǵyndaǵy belgisizdik pen qubylmalylyq sebep boldy. Halyq qoldaǵy jinaǵyn saqtap qalý úshin balamaly qural retinde altynǵa investitsiialaýǵa múddeli boldy. Sáýirde valiýta naryǵyndaǵy jaǵdaidyń turaqtanýyna bailanysty quima satylymynyń tómendegeni baiqaldy. Degenmen ólshemdi quimalardy satý kólemi 2021 jylǵy ortasha ailyq satý kóleminen 37,3%-ǵa joǵary (2 694 dana) boldy.
Ulttyq Bank halyqqa tazartylǵan altyn quimalardy satý jáne satyp alý baǵdarlamasyn 2017 jyly iske qosqan bolatyn. Baǵdarlama qolǵa alynǵaly jalpy salmaǵy 3,1 tonnaǵa jýyq 91 229 altyn quima satyldy" - delingen habarlamada.
Altyn quimalar bes túrli salmaqta usynylady: 5, 10, 20, 50 jáne 100 g. Satyp alýshylar arasynda óte joǵary suranysqa ie túri – 10 gramdyq altyn quima. Jalpy satylǵan quimalar arasynda onyń úlesi – 26%, iaǵni, 23 799 dana. Odan keiin 20 gramdyq quima suranysqa ie, 19 376 dana (21%), 5 gramdyq quimadan 18 599 dana (21%), 100 gramdyq quimadan 18 197 dana (20%), 50 gramdyq quimadan 11 258 dana (12%) satyldy. Altyn quimalar Almaty, Nur-Sultan jáne Atyraý qalalarynda kóp satylady.
"Altyn quimalar senimdi investitsiia quraly bola alady. Naryqtaǵy ótimdiliktiń basty kepili – bank pen banktik emes aiyrbastaý pýnkteri klientke aqshany sol kúni tólei otyryp, altyn quimalardy keri satyp ala alady.
Baǵdarlama bastalǵaly beri ekinshi deńgeili bankter men jekelegen banktik emes pýnkter jalpy salmaǵy 313 keli 12 893 altyn quimany keri satyp alǵan, bul – jalpy satylǵan altyn quimalardyń 14%-y. Olar keri satyp alǵan altyn quimalardyń barlyǵy derlik Ulttyq Banktiń filialdary arqyly halyqqa satylady.
Árbir quima qorǵaý elementterimen qaptalǵan (quimanyń aina beti, mikrotekst jáne jiegi bar) jáne arnaiy qorapqa salynyp shyǵady, sol arqyly quimanyń ashylǵan-ashylmaǵanyn ońai tekserýge bolady. Qorǵap turatyn qorap, sondai-aq sapa sertifikaty bolyp sanalady. Sondyqtan, altyn quimany uqypty saqtap, qorabyn búldirmeýge keńes beremiz.
Qazir altyn quimalardy Halyk Bank, Eýraziialyq Bank, Jusan Bank, TsentrKredit Banki, sondai-aq jekelegen banktik emes pýnkterden satyp alyp, keri satýǵa bolady" - delingen aqparatta.
