Almaty muǵalimderiniń jalaqysyn kóterý úshin 30,8 mlrd teńge bólindi, dep habarlaidy "Ult aqparat".
Jalpy tórt jyl ishinde muǵalimderdiń jalaqysy eki ese artady. Birinshi ósim 2020 jyldyń 1 qańtarynda boldy. Bul sharamen mektep muǵalimderi, balabaqsha tárbieshileri, kolledjder, qosymsha bilim berý júiesi qamtyldy.
2021 jyldyń naqtylanǵan biýdjeti aiasynda Almaty muǵalimderiniń jalaqysyn 25% kóterý úshin respýblikalyq biýdjetten 30,8 mlrd teńge bólindi.
Megapolistegi memlekettik mekemeler – mektepter men kolledjderde, balabaqshalar men internattarda, mektepten tys uiymdarda 32 myń pedagog qyzmetker jumys isteidi.
Bulardan ózge, synyp jetekshiligi, dápterlerdi tekserý, pedagogikalyq sheberlik, magistr dárejesi jáne tálimgerlik úshin qosymsha aqylar qarastyrylǵan.
Aita keterligi, buryndary magistr dárejesi jáne tálimgerlik úshin qosymsha aqy tóleý bolmaǵan, birinshi ret engizilip otyr.
Al burynnnan bar synyp jetekshiligi, dápterlerdi tekserýdiń qosymsha aqysy eki ese ósýde.
Eske salsaq, Almaty ákimdigi muǵalimderdiń kásibi jetistikterin yntalandyrý úshin qarjy bólýdi qarastyrǵan edi.
Osyǵan orai, qala ákimi Baqytjan Saǵyntaevtyń usynysy boiynsha «Úzdik pedagog», «Úzdik pedagogikalyq ujym» baiqaýlary jyl saiyn ótkizilip keledi.
